35 / 98
34
Luonddu fámut
1998 geasi sáddejuvvui
sieidi
, bassi sámi oaffar- dahje bálvvosgeađ-
gi, ruovttoluotto Skiellet museas Ruoŧas ja biddjui fas dan sadjái gos
lei váldon Sandforsas Ruoŧa Sámis. Dat lei áiggistis dolvojuvvon eret
danne go balle ahte geađgi šaddá čázevuollái fápmorusttega hukse-
ma geažil. Hui illevišá attii musea geađggi eret báikkálaš bággema
geažil, danne go olbmot oaivvildedje ahte sin gilli lei gillán ovtta nuppi
lihkohisvuođa maŋŋel go geađgi lei dolvojuvvon eret. Maŋŋel go
geađgi lei fas biddjon rievttes báikái, de dollojuvvui almmolaš ávvu-
deapmi geađggi luhtte. Dáhpáhus čalmmustahtii dehálaš vuoittu na-
šunalstáhta veahkaválddálašvuođas sámi historjjá ja kultuvrra ektui.
Sieiddit «Kristoffer ja Lalla» luohte-
muoraiguin Silfarváris Porsáŋggus.
Knud Leem 1767.