98 / 134
98
Tjaalehvuekieh
liegkedasta åeniehkåbpoe jih åeniehkåbpoe. Mohte ij leah ennje sæjloes.
Orre dajvh: vuemieh, garhph, tjahkh. Jalkadahkh, gusnie maaje vååj
nese. Åehpies otnjege gearhkan, juktie åådtje veeljedh gåabph goetsedh.
Daelie geakasjamme guhkebe ålmeste paajsanidh. Mohte jalkadahken
mubpien bielesne vihth ålma saemienvaarjojne jæjhta. Muadtam lea
åelkiej bijre tjatneme. Voestes aejkien gierhkie altese fæjjoem vuajna.
Galme bievesth rudtjem våålese. Gierhkien tjievliesvoete suejele. Daelie
daajra jijtse naehkien gaavhtan gaahtja, jih ij leah jeatja otnjege goh
åvtese. Ij vielie seamma aelhkies jatne-moehtegisnie hajkedh goh aerebi.
Aehtjie orrije desnie, jih søøjmeslaakan rievhkesem giebregåata.
Dam jis tsihkijahtja jih guhkieslaakan soevem njammeste. Vuertieji
bie jåarhkem. Mohte vååjnoe goh lea gaajhkem åajaldahteme, jijtsh
ussjelisisnie tjahkan. Tjoeveribie gåaskoehtidh guktie almetji ajmose
båata, jih dellie vihth aalka. Voestegh ij mujhtieh man gååhkese soptses
timmesne båateme. Tijjetje vaasele aerebi goh vihth mojhtele båajoes
loedte-raejkiem.
Gosse vaagkan vihth vaedtsiejibie, dellie ålma aadtjegh gierhkiem
aajhtseme, mohte dihte dallah haajpene joeven bæjjese kråapede jih
dellie vaaran.
Gosse iehkeden låavhtesen ålkoelisnie tjahkan, dellie arhteijibie
guhkebem vuertedh. Varki jijjese ryøjredibie. Dållem eejsibie jih maelie
gåetiejibie. Aehtjie vijriebasse soptseste.
Gierhkie lea joeven mænngan orre faamoeh tjøønghkedisteme
mearan mijjieh vielie laadtegh tjøønghkeme. Gosse ålma bæjjese vaa
ran tjaavteme, dellie gierhkie våålese vuaman vihth gierestalla. Ålma
ij daejrieh maam jeatja ennh gierhkiem dåalvoehtidh vaeriem våålese.
Gierhkie vuelege vuertieminie, jih gosse ålma buektiehtamme aktine
biehkesne raamebaektien maadtegasse, ojhte gierhkie vihth bæjjese
guatsa. Jih nimhtie jis tjieskestieh naa guhkiem.
– Edtjh varki soptsestidh mejtie ålma jaaksi dom gierhkiem vuj ij,
mijjen nøøremes maana dam ååpsen guhkies soetem bøørhkeste.