97 / 134
97
Tjaalehvuekieh
juhteles treavkah dåalvoedimmesne. Goh gierhkie aajhtsi ålma lij låev
tieminie, dellie hævvi spaajhtebe vøølki. Dagke vienhti buerie daelhkie
jih nimhtie aelhkieslaakan ålmeste paajsanidh. Dam lij aerebi dorjeme,
juktie idtji stravvh daelie hiegkevaarege gænnah. Mohte dellie beahtahtalli.
Idtji dihte daejrieh magkeres vaejsjiem lij minngesne åådtjeme. Ij lij
voestes aejkien ålma lij gierhkieh tjoejkehtehteme. Satne deejri gåarede
dovne gierhkiem gedtielidh.
– Novh, dellie maa aatskadibie, aehtjie jijtse soptsestimmiem nåhkeh
ti.
– Ih edtjh jåarhkedh? Mijjieh vaetimh.
– Daate dan guhkies soete, im daelie hinnh gaajkem soetestidh.
Gosse lea tijjie maeliestidh, die edtjem jåarhkelidh, soptsestidh.
Ij vielie gierhkie-tjoejkehtehtemen bijre dellie. Mijjieh gaajkesh niestie
svoessigujmie
vaagkan sieljehtimh.Goh dan biejjien tjåanghkanimh byøpmedidh,
dellie gieltegs laakan soeten jåarhkem vuertiejimh.
– daelie tjoeverh soetem jåarhkedh, nøøremesh byøhkestin aktine
njaelmesne.
– Maam lim dellie soptsesteminie? aehtjie gihtji, løssh idtji mujh
tieh.
– Gierhkien jih ålman bijre.
– Novh-maa. Gierhkie jih ålma. Man gåhkese limh hinneme dejnie?
Mujhtiehtibie joe gierhkie daajra ålma minngesne jih varki baatarim
mesne.
– Novh, ojhte lij nimhtie, ojhte nimhtie, aehtjie jis mejjesne, jih
dellie aalka.
Gierhkie åvtesne vuemiem rasta, jih dellie tjøødtjeste, goltele.
Desnie tjåådtje jijtse loedteraejkiem giehtjede. Eevre sjeavods. Dellie
govloe isvelihks ruatska, gåhkoe ålmeste åeniehkåbpoe, gietskebe båata.
Gierhkie vihth hajkejadtja. Orre jih ammes aerviedimmiem åådtjeme.
Daate lea joekoen jih sjiere ålma: bahhas faamoeh viehkine. Gierhkie