100 / 134
100
Tjaalehvuekieh
hkie lea gadtsigujmie såajide gejhkielamme. Gåabpatjahkide såajide lea
tjaalehtjamme maadtegen raajan, gosse ålma båata gierestallen altese
birsine. Guektien aejkien vuatja, jih gåabpatjahkh eatnemasse gahtjelin.
– man aavre dan karren, Toivo ikth vielie låasa gosse teeltese tjaangi
bie, orre faamoe jirredsbeajjan viedtjedh.
Aehtjie provhki dagkerh soeth mijjese soptsestidh gosse minnimh
laadtegh møørjedh.
Buerie lyjhkim altese soetide. Dah lin dan joekehts soetijste manne
lim vaane govledh.
Aehtjien lij iktesth tjijhkerde meatan goh vaadtsetjimh. Goh såemies
vaagkan bøøtimh, dellie voestegh tjijhkerdinie abpe dajvem giehtjedi
mejtie måane biekerisnie minnedh.
Jis ojhte, dellie lihtijgujmie dahkoe. Jih nimhtie vijriebasse vaegkeste
vaagkan.
Muvhtene aejkien ijdtjimh raakte daejrieh gusnie jih gogkoe limh
vaedtsieminie, novh badth utnim nimhtie.
Jeatja aejkien vihth aehtjie dållebealesne eelki soptsestidh. Ikth lij
Ándaras-Ántine jih naan jeatjebi ektine gellie biejjieh laadtegh ohtse
damme, mohte ij lin maam gænnah gaavneme. Joe lin gåavvarosteme
jih sijhteme gåetide vuelkedh, mohte dellie råårestallin aktem vielie
biekerem vaaksjodh. Jis idtjin debpene gavnh, die edtjin gåetide peeh
kedh.
Vaagkan jis vøølkin. Goh vaegkie-bealan bøøtin, dellie Ánte tjijhker
dinie giehtjedi. Aejkiem gutnjesji jih dellie tjijhkerdem måbpan geelki.
– giehtjesth amma datne aaj dohkoe! Vuj mov tjelmide gåarhman.
Mubpie jis giehtjedi. Giehtjedi jih giehtjedi jih dellie jeehti:
– ojhte lea.