105 / 134
105
Tjaalehvuekieh
Saemie saajvi luvnie
Guvvie: Lena Kappfjell
Akte saemie dej beeli gujht utni vihties sijjieh, gusnie provhki daelve
gi jih giesiej (giesegi) årrodh. Dle akten gijren dihte saemie bööti
juhtien dejnie sov jealojne debpede gusnie lij daelviem orreme. Dle
juhti dahkoe gusnie giesegi provhkin årrodh. Dennie sijjesne dihte
saemie aktem stoerre giedtiem utni. Dle gujht dah saemieh provhkin
våaroej ryöjnesjidh. Akten aereden goh lin bovtside bohtjehtjamme,
dle gujht dihte reajnoe-maennie lööjhti dejtie bovtside giedtien sistie
jih vuejehti skåakese.
Dah jienebh almetjh vaadtsajin gåatan; dle beetsi barre dihte akte
saemie dan bovtse-giedtien sisnie sijse. Dihte saemie veedtsi dan giedtien
sisnie, dle vööjni, akte plaavegåarvoe-almetje bööti dan sov mööhte
(vööste). Goh gaavnesjigan, dle healsohti dihte saajve dan saaman jih
gihtji: «Manne leam minnijamme, edtjem datnem bööredh guessine
mijjese. Ih sijhth mannem dåeriedidh?» «Im manne sijhth,» dihte