101 / 134
101
Tjaalehvuekieh
– Laadtegh jis? Aehtjie hujhkehti jih tjijhkerdem kreemsi.
Tjijhkerdine ohtsedi jih aajhtsi laadtegh vaegkien jarngesne. Stoerre
rååpsehke belnie desnie. Aehtjie tjijhkerdem Ántese geelki, jih die
vaarreligan.
Goh geatskanigan, dellie vøøjnin belnesne joekoen jijnjh muerjieh.
Mohte gievhpluevie belnien bijre juktie idtjin gaegnedh tjøønghkedh.
Laadtegh desnie, mohte idtjin dagkoe buektedh. Ij lij jeatja darjodh
bååstide boeltehaaran varrelidh, gøøkte såekieh tjohpestidh guktie
pruvvine utnedh. Ij lij ajve varki dam øørnedh.
Saahtah buektiehtin belniem jaaksedh. Dan jijnjh laadtegh dennie
belnesne guktie ij lij sijjie sillestidh. Tjoeverin voestegh belnien bijre
tjøønghkedh aerebi goh belnien nille jis.
Veljie muerjieh jih fierhte laadtege storre goh vuaksan åejjie. Aelhkie
dejtie læhtan jårreldehtedh. Ånnetji mænngan ligan voessh, lihtieh
deavhteme, jih joe geervehtamme gåetide vuelkedh. Aajne muerjie
sijjiem abpe pluevesne ligan gaavneme.
Daate buerie mojhtese aehtjien mielesne, jih utni mejjesne måjhta
jidh goh limh guhkiem vaanterdamme ajve namhtah. Goh dam måjh
taji dle orre klaeriem altese tjelmide, jih gååhkese giehtjedi. Gåellie
guktie, seamma man guhkiem tjaasnesji tjijhkerdinie jallh namtegh,
gaajhkh biekerh seamma njeeruveske vååjnin. Idtji gåessie viele dagkeres
seamma-leejns belniem gaavnh.
Gærjeste
Åvtese jåht
a, DAT 2004. Jarkoestamme: Lena Kappfjell