103 / 134
103
Tjaalehvuekieh
dah jijnjh Gierehtsjaevrieh. Gierehtsem daaroen eelkin gåhtjodh ’tjerris’,
jih nimhtie sån dam eelkin jiehtedh ’Kjerringvatn’. Dagkerh nommh
gaavna gaajhkem lehkiem, saemien dajvine, Nöörjesne jih Sveerjesne.
Jih gosse vuartesje jih daajra guktie leah saemieh johtehtjamme, dle
vuajna, ojhte dah sijjieh gåabph lin dle gijrege, bæjjesvåårti, båateme
juhtien jih dle gieriehtsidie åadtjoejin laehpedh.
Jih dejstie seamma Gierehtsjaevriebealijste dle tjaktjege vihth ryöjredin
våålesvåårti juhtedh. Desnie lij dle buvrie aaj, gusnie daelvievaarjoeh
jih gaajhke jeatjah daelviedaarpsnohke. Nimhtie mijjen almetjh dej
beeli åadtjoejin abpe gåetiem jih gåetiesijjiem, joekehth jaepieboelhki
mietie sirtedh.
Mijjieh daaletje almetjh jis abpe jaepiem dennie seamma sijjesne jorgre
stibie. Nov dle aaj maaje fierhten jaepien, gåessie joem gåabph joem
vuelkiejibie eejehten. Jih dihte dan reaktoe dobtoe, åadtjodh sijjiem
sirtedh.
Munnjien jis daan aejkien såajhta edtjem dle uvre daelie, tjaktjedaelvien
aalkoen, åarjese våålesvåårti juhtedh. Gosse doh juhtijeledtieh leah dle
moesegine tjåanghkenadteminie, dle manne aaj jijtsen daaletje gæjsam,
koffertem gaarhkeminie edtjem haalanidh jih åarjese girtedh.
Jillhts aaj im edtjh manne daelviedovvedh, dle ånnetji seammalaakan
dobtoe, guktie aervedem dej baaletje almetjidie dobti gosse lin dle
gaarhkeminie, juhtiehtæmman ryöjredeminie.
Daaletje almetje hov gidtjh maahta, gosse åtna giesie daebpene mijjen
noerhtelaantine ååpsen åenehks sjædta, dle nöörie åarjene minnedh
giesiem buarastehtedh gusnie dihte abpe jaepiem jogreste.