96 / 134
96
Tjaalehvuekieh
debpede minnegåetedh. Seamma laakan gervi, jis barre almetjijstie
loedth vuehteli. Dellie aaj varki gåabph jeatja otnjegem veedtsi, jalhts
jijnjh laadtegh biekerisnie.
Apbe våhkoem jeanoe-bealam våålese giehtelimh. Dan tjaktjen
guhkies gajhkadahke orreme, juktie johkesne gusnie vaenie tjaetsie,
mijjen vinhtse jællan gabpeldi.
Idtji movtore aevhkine gænnah, juktie tjoeverimh vinhtsem gaedtiebea
lam vearremes gierkeshke gåhkojde giesedh. Aehtjien sovvenh aajmohts
åananamme. Ålvas jienebh laadtegh limh gujhth hinneme tjøønghkedh
jis limh ajve geajnoe-bealam vaadtsehtjamme, mohte buerie lierehtim
mine gidtjh. Gellien aejkien mijjieh åarpenh måjhtajibie: «Don aejkien
goh aehtjine ektesne Gapmasjohkesne minnimh.»
Barre vienhtedh laadth-tjøønghkeme lea fierhten beajjetje giehtelim
mie almetji jielemisnie, mohte joekoen vihkeles mijjese jis. Geerve dam
aamhtesem gervedh, jis edtja mijjen bijre soptsestidh.
Manne dan jijnjem lierim, jih buerebe aehtjine åahpanim dej laadth-
tjøønghkemisnie.
Idtji gåetesne man jijnjem soptsesth, desnie daamtaj måssnoe bievste
risnie. Mohte goh biekerasse sillesti, dallegh eevre goh jeatja ålma.
Dåeriesmoerh løøjhtin, jih nuepiem åadtjoeji altese diedth luejhtedh.
Manne aajhtsim man tjiehpies lij soptsestidh. Idtji staaloj jallh
moenesji bijre soptsesth, jih idtji dagkerh dåaroesoeti bijre gænnah,
gusnie luhkie russerh båvvasin akten lovreste. Soptsesti sijehme almetji
smaave deahpadimmiej bijre, jih dan gieltegs soptsestimmievuekie juktie
govledæjjah eevre dabranin.
Goh limh ikth aeredskaafem jovkeminie åvtelen vaagkan veedtsimh,
dellie eelki soptsestidh såemies ålman bijre (dagke Ingan-Piere, im vielie
mujhtieh), guhte gierhkien loedtem vueptiesti jih dallah vuehtiegøøti
tjoejken. Gierhkie dan spaajhte jatne-moehtegisnie, mohte ålman aaj