93 / 134
93
Tjaalehvuekieh
Jovnna-Ánde Vest
Laadth-møørjeme
Laadthmuerjieh tjøønghkedh lea Sapmesne iktesth ålmaj barkoe årro
me, mearan nyjsenæjjah maanah jeatjah muerjieh møørjin. Jokngh jih
sirrieh gåetiej bijre sjidtin juktie dovne unnemes maanaj jaaksemisnie,
mohte laadthbiekerh jeenjemes guhkene guevtielisnie. Nyjsenæjjah idtjin
asth jih maanah idtjin buektehth dan gååhkese vaedtsedh. Nimhtie aaj
mijjien luvnie. Aehtjie oktegh møørjedi mearan mijjieh maanah dan
onne idtjimh satnem åajsoeh dåeriedidh. Tjidtjie lij fuehpesne ovmessie
jeatja barkojne. Aehtjie lij iktesth vissjelommes laadtegh tjøønghkedh,
guktie im mujhtieh dihte naan aejkien lihtiebetniem jokngine jallh
sirrine gaptjeme.
Aehtjien mielesne laadth-tjøønghkeme lij sagki jienebe ennh barre
lihtieh laadtegigujmie dievhtedh. Sutnjien gaaje jienebe. Gieltege lij
giesien biekeride snoegkedh,vuajnedh magkarine biekerisnie njoet
seldh laadtegh daan jaepien. Jih raeffiem, maam almetje guevtielisnie
gaavni, ij mejnie buerebine mohtedidh. Lij darah biekerh gusnie jijnjh
laadtegh jis laadth-jaepie. Mohte idtji aehtjie eavedh dagkerh biekerh
vaaksjodh gænnah. Sijhti jijtse laadth-sijjieh ohtsedidh jih gaavnedh.
Goh dan jijtjeraarehke jijnjhh laadthsijjieh sjidtin tjåadtjoen namtegh
tjøønghkijh. Tijje fielestallan veesi.
– Vaedtsiejidie dijjieh aaj Biesvagkan, desnie hov leah jijnjh nuekies
laadtegh, tjidtjie voejkeli aehtjiem soptsestehtedh.
– Jeatjebh hov stoerre maajsoeh geajnoegoeresne tjøønghkieh,
mohte Jåvna jis bøørenjasta laadtegistie baataridh, aahka tjåålhkesje.
Ij lij aehtjie gænnah dagkeres ålma gie eajhparosti, veedtsi eevre dohkoe
gogkoe jijtje sijhti.