94 / 134
94
Tjaalehvuekieh
Lij amma buerie laadth-jaepie jih almetjh veljie muerjieh tjøønghkin
eevre geajnoen baalte. Aehtjie eajhnadovvi Gapmasjohkesne minnedh.
Debpene hov lij sov mielen jiehts eensi laadth-biekerh.
Joe limh ikth aerebi vuejiehtamme mijjien beagkoes alumijnije
vinhtsine Giellejohkeraejkien våålese Gapmasjohkese, jih dej vueleli
gååhkoem. Dan aejkien aaj laadth-tjøønghkemisnie. Goh niestiesvoesse
nååhkegøøti, dellie tjoeverimh dej stoerre maajsojgujmie vihth bæjjese
tjabredh. Måjhtam man gæhtjoes lim abpe mov repmesne, mænngan
limh golme biejjien sovkeme aerebi geajnose bøøtimh. Dellie limh
båateme goerksasse mijjien alumijnijevinhtse idtji njuvvievinhtsine
sjiehth.
Mijjieh limh veajsakåbpoe dan fealadimmien mænngan sjidteme. Daelie
jeanoevinhtsem laessiebijlese jih dovne Mercurinie meatan. Dellie’maa
maehtiejibie dejtie guhkies sovvenidie våålese vuejedh, aehtjie jeehti.
Jih eensilaakan limh ryøjredamme: stoerre niestiesvoessine jih håagkh-
staavrah viermieh meatan. Daelie ussjedimh Gapmasjohken våålese
eevre geajnoegeatjan vuelkedh.
Daate lea laadth-tjøønghkeme mij mov mielese joekoen dabra
namme. Naan jaepiej mænngan mijjen gåetie lij buelielamme.
Gåetesne aehtjie faagkan krænkoeh. Idtji naan vuastalimmiem tøøllh. Jih
ij lij aevere monnen gaskemsh. Ajve jællan jolhkim aehtjine soptestidh.
Mohte aerebi joe voeredamme aehtjie madtjelåbpoe jis aajketjem gåetijste
minni.
Voestes biejjien joe vøølkimh vaaksjodh. Jijnjh muerjieh jalhts ij
veljie.
Goh sjuevnjegøøti, die vinhtsese slebpiehtimh. Ryøjredimh jijjehtov
vedh jih dållem beejimh. Nealkoeminie eevre goh jaamegøøtim, abpe
biejjien ibie limh hinneme byøpmedidh.
Hijven måjhtam dan liemkeds iehkedem. Aehtjie ohtsedi klaahkam
jih kaafegiebniem bieji doeltedh. Jih dellie loesebisseme. Dovne limh