95 / 134
95
Tjaalehvuekieh
njoetske-loesetjinie jih såålhtemegueline meatan. Unnemes maanide
bissemeherrehkh tjoehpesti jih buerkiesti mijjese guktie gueliem dabran
biejedh. Dellie vuesiehti magkeres bieliem voestegh bissedh åvtelen
mubpiem olles guelie bisseme-herrehkistie njiejkehth. «die bearkanidie
gosse jijtjh galkajidie laadthbiegkerh vaaksjodh» jeehti, jijtsasse moeveli.
Vissjeleslaakan vuesiehti ovmessie vuekieh mah aevhkies daejredh gosse
miehtjiesdajvesne. Mubpie biejjien buerkiesti man aelhkies skierrijste
dålletjem biejedh. Gaskoe vaegkien tjøødtjesti jih kaafem voessji darhke
vuesiehtimmien gaavhtan.
– juktie idie vienhth miehtjiesalmetjide ajve gasngesh jih gejhkie
sierkhstråmhpoeh daerpies gosse dållem biejedh.
Daelie lij aehtjine, guhte maanide øøhpehti jielemisnie bearkanidh.
Rovnegs vuejnedh måssnoe gåetiekarrem nimhtie maahta ålkine jeatjah
tovvedh.
Sjuevnjedi. Vueliebistie govlimh garsetje sjovveminie. Dan soe hijven
jearsoes damtim goh lim aehtjine ektesne tjahkesjeminie, jih dåajmijes
gieline soptsesti altese jielemen ovmese deahpadimmiej bijre.
Faahketji govlem alvas hojhkesjeminie pluevesne. Gaajhkesh libie govleme.
– aehtjie, mij lea dihte ? Piere-Næjla billemisnie.
– Goerke dihte, tjaktjege numhtie skreekie, aehtjie åenehkslaakan
vaestede jih jårrele mubpien bealan. Gosse mijjieh dam govlibie dellie
soelkehtibie jih vihth nahkestibie.
Dennie fealadimmesne manne voestes aejkien goerkh jih njoktjh vøøjnim.
Aehtjie lij madtjeles jih arpehke abpe tijjem. Varki guarkajimh
ååpsen jijnjh lihtieh meatan. Idtjimh mih gåessie hinnh gaajhkide
dievhtedh. Vaenieh muerjieh muvhth biekerisnie, mohte ij lih aehtjie
hujnesne dan åvteste. Aehtjien mielesne buerie tsiehkiem dejnie aaj:
idtjin gieh jeatjebh debpelen båetieh. Idtji lyjhkh gænnah, jis ammes
almetjh tjihtedin seamma biekerasse gusnie satne. Dellie eelki varki