299
Jus streaika bistigoahtá ja čuohcigoahtá dearvvašvuhtii ja
šaddagoahtá heakkavárra, de sáhttá Stuorradiggi mear
ridit
bákkolaš soabaheami.
Mii mearkkaša ahte streaika ferte
heaittihuvvot ja áššebealálaččat fertejit dohkkehit riikka
soabaheaddji ođđa evttohusa ležžet dal ovttaoaivilis dahje
eai.
Muhtun oktavuođain giddejit bargoaddit fitnodatuvssaid
nu ahte bargit eai beasa bargui. Dat gohčoduvvo namain
lockout
.
MUITTÁT GO?
1 Mii lea Norgga ekonomalaš vuogádaga namma?
2 Manin namahuvvo Norgga stáhta?
3 Mii lea privatiseren?
4 Makkár organisašuvdna lea bargiid dehálamos
organisašuvdna?
5 Makkár organisašuvdna lea bargoaddiid dehálamos
organisašuvdna?
soabahit:
mekle
soabaheapmi:
mekling
riikkasoabaheaddji:
riksmeklingsmannen
Gávppašeapmi rájiid rastá
Gávppašeapmi lea leamaš seamma lágan juo dološ áiggi
rájes gitta otná áigái. Sihke gilážiin ja gávpogiin ledje
gávpešiljut gos gávppašeamit dáhpáhuvve.
Gávpegálvvut jođihuvvojedje dábálaččat meara mielde.
Norgga gávpeolbmot devde gálvvuid iežaset fatnasiidda
ja dollejedje olgoriikkaide. Ruoktot fas bukte ođđa ja
miellagiddevaš gálvvuid.
Go industriija revolušuvdna álggii duođas 1800-logus,
de váikkuhii dat garrasit gávppašeami ovdáneapmái.
Gálvvut lassánedje, gávpešiljut sturro ja gálvofievrrideapmi
buoriduvvui.
