308
Giella ja árbediehtu
Dán oasis galggat oahppat
• boazodoalu árbevieruid ja giela birra
• luossabivddu árbevieruid ja giela birra
• duddjoma árbevieruid ja giela birra
• dálkkodeami árbevieruid birra
※
Sámegiella lea sátnerikkis
Jos máhtu galggašii sáhttit áimmahuššat, ovddidit ja seailluhit
boahttevaš buolvvaide, de lea dehálaš ahte gielas leat čielga
sánit ja doahpagat. Dákkár sámi sánit ja doahpagat leat
ovddiduvvon ja sajáiduvvan áiggiid čađa bargguid bokte
man láhkai geavahit luondduburiid eallámuššan.
Dán čállá
sámegiel professor Juho-Niillas – Nils Jernsletten, gii lea
riegádan ja bajásšaddan Skiippaguras Deanus.
Sámegiella lea hui sátnerikkis. Danne lea ge giella hui
guovddáš oassi árbevieruid gáhttemis. Giellabarggut, dego
luossabivdosániid čohkkemat, leat hui dehálaš oassin árbe
virolaš máhtu seailluheamis ja ovddideamis. Máhtu haga
lei váttis birget servodagas man birgenláhki lei meahcá
steapmi ja guolásteapmi. Sámi gielas ja doahpagiin oidno
bures man čadnon sámevuohta álo lea leamaš luonddu
buriid ávkkástallamii.
Giela bokte han sápmelaččat leat ge áimmahuššan ár
bevieruid ja máhtu sin maŋisbohtttiide. Jos giella jávká, de
árbevierut maiddái goarránit ja jávket. Dat lea dáháphuvvan
ollu sámi giliin rittuguovllus dáruiduhttinpolitihka geažil.
Sámi sátnevájas han dadjá ahte
Eatnamis eatnigiella dah-
je eatnamis eret.
Dat muitala ahte sápmelaš galgá leat čeav-
lái iežas vánheneatnama ja eatnigiela hárrái, muđuid gal
sámeálbmot luottahuvvá sierra čeardan.
sátnevájas:
ordtak
