307
«Juohke álbmogis leat iežas árbevierut ja dieđut mat
leat čuvvon álbmoga buolvvas bulvii ja mat leat álbmoga
kultuvrra vuođđun, ja mat earuhit ovtta álbmoga nuppis.
Árbevierut gusket buot beliide eallimis. Dat leat čuvvon
álbmoga ja dat rivdet álbmoga dárbbuid ja ollislaš
ovdáneami ektui.
Sámiin leat dego buot eará álbmogiin iešguđetlágan
árbevierut. Sámis leat ain ollu vierut ja dieđut mat leat
vuolgán dološ sámi bivdoservodagas. Muhtumat dain
leat bisson measta rievddatkeahttá, earát fas leat rievdan
áiggiid mielde. Dieđuid hálddašeaddjin lea leamaš olles
sámi álbmot, muhto dieđut leat diehttelas leamaš čadnon
dološ siiddaide, báikegottiide, sogaide ja bearrašiidda,
ja danin sáhttet ge árbevierut maid rievddadit guovllus
guvlui, báikkis báikái, sogas sohkii ja vel bearrašis
bearrašii nai».
Čállá sámi jurista Laila Susanne Vars (2007).
ÁRBEVIROLAŠ
MÁHTTU
