318
Buođđu ja buođđun
Boarraseamos bivdovuohki lea buođđun, mii namahuvvo
čálalaš gálduin 1500-logus. Otne eatnašat buđđot, muhto
lassin golgadit, njaŋggofierpmástallet ja oggot.
Deanus buođđugohtet go vearrámus dulvi lea vássán giđđat.
Buođus leat doaris, joddu, vuojahat ja čuollu. Doarrásis ja
vuojahagas sáhttet leat čuolddat ja/dahje oarjjuolggit/reŋk
kot.
Joddu lea gosa luosat čákŋet. Joddus sáhttet leat guovtte
lágan fierpmit: luosat ja guvčalbmi. Luosat lea galjes
čalmmat fierbmi stuorát luosaid várás, ja das leat galjit
čalmmit go guvčalmmis. Guvčalbmi gohčoduvvo maiddái
mihttofierbmin, danne go čalmmit leat nu galjit go láhka
diktá.
Buođđu ja dan doahpagat.
