Nuohti gáttabealde sáhttá atnit giehtagáinnuid dahje
geallegáinnuid. Giehtagáinnut leat gasebuččat vai nagoda
gieđaiguin geassit. Geallegáinnut fas leat seakkibut, go daid
geallá geliin. Gealli lea jorri man birra geassá gáinnuid. Das
leat guokte nađa main doallá go geassá ja nu geahpida
gealli nuohttuma. Giehtagáinnut sáhttet leat oaneheappot
go geallegáinnut. Fanasgeali bidjá geallegorvviide, cakkit
fanasravddain, ja fanasolmmái čohkká gaskamuora nalde
fatnasis, čohkkánfiellu rastá fatnasa.
(Gáldu: Berit Anne Bals,
Rávdná Turi Henriksen,
Isak Ole J. Hætta, Anne
Britt Klemetsen, Mathis
Mienna: Nuohtti ja nuohttun,
joavkobargu Sámegilla II, Sámi
allaskuvla, 1995)
