320
Golgadat ja golgadeapmi
Golgadeapmái geavahuvvo golgadat, mii lea njuolggo
fierbmi. Dat lea
iešguđet guhkkodagas ja vuovssas. Golgadat
sáhttá leat 45 m guhku. Golgadettiin sáhttá dušše geavahit
ovtta fatnasa.
Golgadat lea vuosttaš bivddus man geavahišgohtet giđđat.
Giđđat luossabivdit vurdet máššoheamet ahte jiekŋa
galggašii johttát vai besset golgadišgoahtit. Oainnat giđđat
gorgŋejit ollu stuorra duovit Detnui, ja danne lea giđđa
golgadeapmi hui dehálaš.
Giđđat dulvin geavahuvvo guhkes, vuoksás golgadat
savvoniin. Guoikkain suhppejit fas oanehis golgadaga, mii ii
dárbbaš leat nu vuoksái.
Dábálaččat leat guovttis geat golgadit geavahettiin fatnasa.
Fierbmealmmái suhppe golgadaga man geažis lea
čoska
mii golggaha ja doalada golgadaga čábbát miehterávdnjái.
Fanassuhkki fas doalada dan láhkai ahte golgadagas lea
veaháš mohkki nu ahte luossa buorebut
čuohcá
fierbmái.
Fierbmealbmás lea čuoibmi mainna
duorbu
fanasguora,
vai luossa ii beasa jávkkehit fanasvuole ja nu garvit fierpmi.
Luossa čuohcá buoremusat fierbmái go golgá cohkolaga
vuostá. De gal measta bákkus bidjá fierbmái.
Golgadeamen.
