325
Gáinnuid maŋis álget sivlefierpmit mat leat sullii 10-12
sala goabbat bealde. Daid vuvssodat lea njeallje állana.
Vuvssodat lea seamma go firpmiid čikŋodat. Sivlefierpmit
eai galgga nu vuoksát go eará fierpmit vai nuohtti loktana
čiekŋalasas buorebut, muhtto sáhttet leat veaháš galjibut
čalmmit go iežá fierpmiin.
Go sivlefierpmit nohket, álget galjohat mat leat sullii 25-28
sala guhku goabbat bealde. Dát fierpmit leat veaháš baskki
but go sivlefierpmit. Galjohiid maŋŋel bohtet rádjefierpmit
mat leat sullii 3-4 sala goabbat bealde. Dán áiggi leat
muhtumat heaitán rádjefirpmiid atnimis. Rádjefirpmiin leat
baskkes čalmmit. Go olbmot eai hálit smávva guliid oažžut,
váldet rádjefirpmiid eret vai darvánit dušše stuora guolit ja
smávva guolit besset čađa.
Rádjefirpmiid maŋis čuvvot oalggit mat leat 5-6 sala guhku
goabbat bealde. Muhto go ráddjefierpmit eai leat, lea
guhkkodat sullii 8-10 sala. Nuohtis lea bahta gasku, mii lea
gitta olggiin. Bahta lea 2-3 mehtara guhku seahkka gosa
guolit loahpas galget mannat. Buot firpmiid vuvssodat,
earret sivlefirpmiid, lea njeallje állana ja ovtta dahje guokte
goartila. Rádjefirpmiid, olggiid ja bađa čalmmit leat baskkit
amaset guolit beassat čađa.
Muittát go?
1 Mii lea buođđun?
2 Mii lea golgadeapmi?
3 Mii lea oaggun?
4 Mii lea nuohttun?
Duodji ja duddjon
Árbevirolaččat sápmelaččain leat leamaš sierra geasse- ja
dálvegárvvut.
Dálvet sis ledje náhkkebiktasat siskkimušas olggumuššii.
Sii geavahedje dávjá guokte náhkkebivu badjálagaid.
