335
Čoahkkáigeassu
Sámegiela sánit ja doahpagat leat ovddiduvvon ja sajái
duvvan áiggiid čađa sierranas bargguid bokte ja čájehit
man láhkai sápmelaččat leat geavahan luondduburiid dahje
-riggodagaid eallámuššan. Dat vuhtto bures sámegiela
sátneriggodagas. Danne lea ge giella hui guovddáš oassi
árbevieruid gáhttemis.
Sámi gielas ja doahpagiin oidno maiddái bures man čadnon
sámevuohta álo lea leamaš luondduburiid ávkkástallamii.
Giellabarggut leat ge hui dehálaš oassin árbevirolaš máhtu
seailluheamis ja ovddideamis. Máhtu haga lea váttis birget
servodagas man birgenláhki lea earret eará meahcásteapmi,
boazodoallu, luossabivdu ja duddjon.
Lea daddjon ahte giella lea olmmoščeardda heaggasuotna.
Jos dat nohká ja vajálduvvo, de árbevierut maiddái goarránit
ja jávket. Dat lea dáháphuvvan ollu mearrasámi giliin
dáruiduhttinpolitihka geažil. Sámi sátnevájas han dadjá
ahte
Eatnamis eatnigiella dahje eatnamis eret.
Dat muitala
ahte sápmelaš galgá leat čeavlái iežas vánheneatnama ja
eatnigiela hárrái, muđuid gal sámeálbmot luottahuvvá sierra
čeardan.
Čiekŋudeapmi
1 Čilge manne lea giella hui dehálaš sámi árbevieruid
seailluheamis.
2 Verddevuohta lea leamaš hui dehálaš boazosámiid
ja dálonsámiid gaskkas dološ rájes. Lea go dat šat nu
dehálaš du gielddas dahje suohkanis otne? Jus ii leat,
čilge sivaid! Sáhtát gažadit eallilan boazosámiid.
3 Jearat eallilan boazosámiid du guovllus. Leat go sii
bohčán áldduid maŋŋá nuppi máilmmesoađi? Jus eai,
goas heite?
4 Deanus dahje jogas leat sajit main leat iešguđetlágan
sánit dahje namat. Čilge dáid sániid:
Dappal, geavŋŋis,
goatnil, guoika, guorvil, njavvi, oivoš, ráppas/ráppaš, savu.
