289
Ekonomalaš vuogádagat
Englánddas álggii industrialiseren 1700-logu gaskkamuttus.
Dađistaga go industrialiseren viiddui meahtá Eurohpá, de
čuožžiledje bargiidlihkadusat ja sosialisttalaš bellodagat.
Dat dorro buoridit bargiid bargo- ja eallindiliid. Seamma
áigge geahččalii borgárvuohta luovvanit boares ádelis. Nie
čuožžiledje guokte vuostálas ideologiija.
«Kapitála ja bargu» muitala dát sárggus, mii almmustuvai muhtun
eaŋgalas bláđis 1843:s. Dat govve sosiálalaš erohusaid maid
industialiseren lea dagahan.
Liberalisma ja márkanekonomiija
Liberalisma lea ekonomalaš servodatoaidnu mii mearkkaša
ahte juohke olbmos galgá leat stuorámus politihkalaš ja
ekonomalaš friddjavuohta masa stáhta ii seagut iežas. Dan
vuođđojurdda lea ge ahte ovttaskasolmmoš galgá eanemus
lági mielde beassat mearridit servodagas.
vuogádat:
system
bargiidlihkadus:
arbeiderbevegelse
borgárvuohta:
borgerskap
