279
Boazodoallu
Nuppi máilmmesoađi maŋŋá boazodoallu rievdagođii
sakka miehtá Sámi. Ovdal soađi oppa bearaš lei doppe gos
bohccot ge. Ja boazu geavahuvvui sihke geaseheapmái ja
guoddimii, nappo vuodjenheargin ja noađđeheargin. Dál
leat mohtorfievrrut, biillat ja helikopterat váldán eanaš oasi
fievrridanbarggus.
Ovdal jagi 1960 lei birrasii 90 % Guovdageainnu álbmogis
čadnon boazodollui. Boazosápmelaččat ledje johtti sápme
laččat. Earát ledje dálonat, geat meahcástedje ja barge
šibihiiguin.
Juo birrasii 1970 lei árbevirolaš boazodoallovuohki uhcit
eanet nohkan. Ođđa teknologiija lei váldojuvvon atnui ja
geahpedanhui olluboazobarggu. Seammás ožžo eiseválddit
ja ruhtadan-insitušuvnnat buoret badjeliigeahču dahje
kontrolla boazosápmelaččaid badjel. Muohtaskohter šattai
dábálažžan boazodoalus.
Mekaniseren mielddisbuvttii ahte boazodoallu šattai eamb
bodievdduiddahjealmmáiolbmuidealáhussan.Boazodoallu
sulastahttigođii fidnui dahje virgái. Šadde váktaortnegat.
Guođohišgohte bohccuid vurrolagaid. Boazodoalli dahje
boazobearraša isit ii lean šat nu dávjá bohccuid luhtte.
Mánát galget árrat čatnasit
bargodillái. Gánda, hillá
gurralaš Piera Gaup, boazo
gárddis geahččamin boazo
mearkkaid.
