276
Eanadoallu
Eanadoallu ja vuovdedoallu leat dehálaš ealáhusat Norggas.
Lea čuoččuhuvvon ahte eanadoallu ja vuovdedoallu leat
mielde bisuheamen olbmuid boaittobeale ássama. Eatnašat
dáin boaittobeale eanadoaluin leat bearašdoalut, mat
maiddái leat álgán addit fálaldagaid turisttaide.
Eanadoallu lea dehálaš dan dáfus ahte dat buvttada
buriid, varas gálvvuid maid ii dárbbaš fievrridit guhkes
gaskkaid. Maŋimuš jagiid leat atnigoahtán eambbo ávvira
borramušgálvvuid kvalitehtas, danne go máŋgga borra
mušgálvui biddjojuvvojit ávdnasat, mat guhkesáigge badjel
sáhttet čuohcit dearvvašvuhtii. Norga ii eksportere eana-
doalu buktagiid, muhto importere 50 % buot borramuš
gálvvuin maid mii borrat.
Maŋemuš áiggiid leat olbmot maiddái beroštišgoahtán
ekologalaš eanadoalus. Ekologalaš eanadoallu lea dakkár
eanadoallu mas eai geavahuvvo goanstagilvagat ja šaddo
suodjalanávdnasat. 2000-logu álggus lei sullii 1 % eana
doalloeatnamiin ekologalaš eanadoalu geavahusas. Eanaš
ekologalaš borramušgálvvut, mat Norggas geavahuvvojit,
leat sisafievrriduvvon olgoriikkas. Muhtun riikkain Eurohpás
gal lea ekologalaš eanadoallu olu stuorát go Norggas.
Guolásteami fákta
• Brutto Našuvnnalaš Buvtta – BNB – lei 2538 miljárda ru.
2008:s.
• Eanadoallu, meahccedoallu ja guolásteapmi dahke das
1 % 2008:s.
• 10 657 olbmo ledje olles áiggi barggus guolásteamis
2007:s.
• Eksportta árvu lei 16 164 miljovnna ruvnno
• Eksporta EU:i dagai 617 638 tonna man árvu lei 10 311
miljovnna ruvnno.
• Olles guolleeksportta supmi lei 35,7 miljárdda ruvnno
2007:s.
atnit ávvira:
bry seg om
buvtta, buktagat:
produkt
buvttadit:
produsere
