268
Č
IEKŊUDEAPMI
1 Makkár bálvalusaid oaččut mátketelefovnnaide odne?
Gávnnat go bálvalusaid mat leat sierra nieiddaide ja
gánddaide dahje bártniide?
2 Oza máidnosiid mat muitalit otná servodaga birra! Man
láhkai muitalit dat ahte mii eallit 21. čuohtelogus?
3 Čilge máidnosa, propagánda ja informašuvnna erohusaid!
Geahččal čilget iežat sániiguin ovdal go buohtastahtát
sátnegirjjiin.
4 Mii diehtit ahte kollektiivajohtolat lea hálbbit go
priváhtabiilajohtolat. Mo galggašii geahpedit biillaid
lassáneami? Maid sáhtášii juohke okta ieš bargat? Čále
daid vai beassabehtet ceahkis digaštallat.
5 Gos bohtet biktasat? Čállet gos bohtet din ceahki
biktasat (Eanaš biktasat leat merkejuvvon siskkabealde).
Ráhkadehket diagrámmaid!
6 Biktasiid geavaheapmi lea lassánan maŋimuš vihttalogi
jagis, nu ahte mis leat ollu eanet biktasat go ovdal.
Dattege ledje biktasiid golut 2000:s unnit go 1958:s. Maid
don gáttát sivvan dasa lea?
7 Álkkimus vuohki eastadit luonddubillisteami lea oastit
unnibut. Lea go son dan vejolaš čađahit? Mo du mielas
galggašii dan bargat vai dat šattašii buorre politihkkan
Norggas? Čále lohkkiid čállosa dan birra.
8 Oza gálvvuid main báhcet doabbarat. Mo du mielas
galggašii diekkár gálvvu haddi leat dakkár gálvvu ektui
mas leat ávdnasat maid sáhttá ođđasit geavahit?
9 «Danne go don ánssášat dan» lohká máinnus dutnje.
Gávnna govaid (mat eai leat máidnosat) áviissain gosa
dát teaksta ii heive.
10 Šaddat go mii lihkoleabbon go mii oažžut eanet buorre
dávviriid? Man ollu galgá oamastit ovdal go dávvirat
oamastit du? Ráhkat rollaspealu gos dát lea vuođđun ja
digaštallet ceahkis.
