45
1600–1750
Ná muitalii muhtin báhppa gii jođii
davimus Sámis dan áigge
”Sin oskkus ja ipmilbálvalusas i sáhte olus hállat. Mun
lean fuomášan ahte sis ii leat diehtu rivttes Ipmilis. Ii
goitge dain geat ásset duoddariin.
Muhto mearragátti sápmelaččat, sii gal leat eatnašat
šaddan risttalažžan. Datte eai dieđe gal buot áiggiid
masa dat lea buorre. Muhto sii geat leat 40 ja 50 jagi
boarrásat, eai leat šaddan risttalažžan. Sii eai oppage
hálit šaddat dakkárin.
Ja soames háve sáhttá gal oažžut katekismusis oah
pu, muhto sii eai dieđe masa dat lea buorre. Sii leat
gal mielde sakramenttas, muhto sii eai ádde masa dat
lea ávkkálaš. Sii gáddet dušše ahte dat addá buoret
bivdolihku.
Go son boahtá duoddaris bivddus ja lea fidnen soa
mes ealli, gotti dahje eará, de son dakkaviđe ráhkada
alcces ipmila stuorra geađggis dahje muoras lahka dan
báikki gos son lea goddán ealli.
Das son de bálvala iežas ráhkadan ipmila. Dasa son
addá gotti guolggaid ja gottečorvviid, ja ipmila son
vuoidá gotti dahje man nu eará ealli varain, vai son
fidnešii ain buoret lihku ovddosguvlui.”
