![]()
89
2000 jagi dassái ásai muhtin almmái dahje
dievdu Judeas. Su gohčodedje namain Jesus.
Son lei Nasaretas šaddan bajás, danne
oaččui maid nama Nasareta Jesus. Jesus lei
šiega ja veahkkái. Son lei ovttas olbmuiguin
geat ledje buohccit ja olgguštuvvon. Jesus
háleštii maiddái nissoniiguin. Ii lean dan
áigge dábálaš ahte nissonat hálle amas
olbmuiguin. Sii galge ruovttus orrut, dálu
doallat ja mánáid geahččat bearrái.
Mii
sáhttit biibbalis lohkat ahte Jesus
dálkkodii buhcciid ja veahkehii
gefiid.
Biibbalis muitaluvvo maid ahte son
bovttii olbmuid geat ledje jápmán, nu ahte
sii ealáskedje fas. Son dagai ipmašiid, maid ii
leat vejolaš dahkat.
Jesus muitalii olbmuide muitalusaid. Daid
mii gohčodat namain: Veardádusat.
Láhppon šlánta
Muhtun nissonis leat logi silbaruđa. De son
láhppá ovtta dain. Son cahkkeha juohke
lámppá ja ohcá miehtá viesu. Son guovlá
juohke sálvui ja loapmái, dassá go gávdná
silbaruđa. Go son lea gávdnan dan, bovde son
guossái ustibiiddis ja siidaguoimmi nissoniid.
Sii boagustit ja illudit, go divrras silbaruhta
gávdnui. Seammá láhkai illudit Ipmila eŋgelat,
go olmmoš guhte lea láhppon, máhccá su lusa.
Jesusis ledje ollu skihpárat.
Son háleštii buot olbmuiguin.
Ollu olbmot leat sárgon ja
málen govaid Jesusis. Dávjá
lea málen su oaivvi birra
šerreš čuovgga. Dat muitala
ahte son lea bassi.
Govva olgeš bealde čájeha
muitalusa das go Jesus
imašláhkai jaskkodahtii gar-
ra dálkki mii measta gomihii
fatnasa.
Jesus
Jesus elii 2000 jagi dassái, ja šattai bajás Nasaretas.
Son beroštii olbmuin geat olgguštuvvojedje. Jesus
ja su máhttájeaddjit ledje juvddálaččat. Sii eai lean
risttalaččat, ja risttalašvuohta ii gávdnon dan áigge
go Jesus elii. Risttalašvuohta šattai sierra oskun
easkka muhtin áigge maŋŋá go Jesus lei eallán.
Dattege mii dadjat ahte Jesus lea son gii vuođđudii
risttalašvuođa.
88
risttalašvuohta
