Ovttas - Oskkoldagat ja eallinoaidnu - page 110-111

risttalašvuohta
108 109
Movsses Sinai vári alde
Israellaččat ollejedje Sinai ávdin­
eatnamii. Go sii bohte Sinai-várrái,
de bisánedje ja cegge­jedje gođiid.
Movsses goarkŋui vári ala sárdnut
Ipmiliin. De Ipmil čuorvvui Movsse­
sii: ”Muital dán israel­lač­čai­de. Dii
lehpet ieža oaidnán mo mun lean
guoddán din goaskin­sojiiguin ja
buktán din iežan lusa. Oppa máilb-
mi lea mu, ja mun háliidan ahte dii
lehpet mu iežan álbmot. Movsses,
mun almmustuvan dutnje balvva
siste, vai álbmot gulašii mu sárd-
nume duinna. Dan dagan vai sii
jáhkáše ahte mun lean du válljen.”
Movsses luoitádii váris ja muita­
lii buot maid Ipmil lei cealkán.
Goalmmát beaivvi buohkat mori-
hedje bajána čeargumii ja áldda-
gastimii. Go sii čákŋaledje olggus
gođii­neaset, de oidne čáhppes balv­
va bajábealde vári. Balvvas gullui
alla jietna. Dat čuojai dego báson.
Balvvas loktanii maid suovva ja
dolla, ja oba várrii doarggistii.
Buohkat ballájedje sakka. Movsses
válddii fárrui bálvvás Josva ja
lahkonii vári. Álbmogii son dajai:
”Vurdet munno dás dassážii go
moai bohte ruovtto­luotta. Áron
báhcá dinguin.” De Movsses ja
Josva goarkŋuiga várrái. Movsses
bisánii ja dajai Josvai: ”Vuordde
mu dás, goarkŋun badjelii deaivva-
dit Ipmiliin.” Ja Movsses lávkii balv­
va sisa ja goarkŋui várre­čohkkii.
Doppe son ádjánii njeallje­logi beaiv­
ve ja njealljelogi ija.
Vári alde Ipmil sártnui Movssesii.
Movsses oaččui maid guokte
geađge­távvala. Daidda ledje čállon
Ipmila logi báhkkoma. Dat ledje
lágat, mat veahkehivčče olbmuid
eallit ovttas.
Movsses
Movsses lei Abraham maŋisboahtti, muhto elii
čuđiid jagiid maŋŋá Abraham. Dás sáhtát lohkat
mo sutnje geavai oktii go ledje sáttomeahcis.
Biibbalis čuožžu ahte Movsses oaččui
geađgetávvaliid Ipmilis Sinaiváris. Távva­
liidda ledje čullon lágat maid olbmot
galge čuovvut.
Ipmila logi báhkkoma
1. Mun lean Hearrá, du Ipmil, eai dus
galgga leat eará ipmilat.
2. It don galgga duššás cealkit Hear­rá,
Ipmilat, nama, danin go Hearrá ii loga
áššeheapmin su guhte cealká su nama
duššás.
3. Muitte basuhit vuoiŋŋastan­beaivvi.
4. Gudnejahte áhčt ja eatnát.
5. It don galgga goddit.
6. It don galgga rihkkut náittosdili.
7. It don galgga suoládit.
8. It don galgga gielistit.
9. It don galgga anistuvvat laga­
muššat opmodaga.
10. It don galgga anistuvvat laga­­muš­
šat bealle­laš­ša, bálvvá, oa­mi, dahje
maidege mii gullá du laga­­muž­žii.
Profehtat
Olbmot eai lean álo jegolaččat Ipmila
báhkkomiid vuos­tá. Sii láhttejedje eará
láhkai go Ipmil lei gohččon sin. Profehtat
muittuhedje olbmuide ja gonagasaide mii
lea riekta ja mii lea boastut. Olbmot eai
liikon profehtaide. Sin mielas profehtat
hoavrrestedje duššiid. Muhtin profehtat
garrasit cuiggodedje israellaččaid go sii
ledje beahttán Ipmila. Sii muitaledje
ja einnos­tedje maiddái mii galgá
dáhpáhuvvat boahtte­áiggis.
Muhtimat muitaledje luonddu­roasuid
birra mat galge billistit olles gávpogiid,
dahje sođiid ja riidduid birra mat galge
bohciidit. Profehta Jesaja muitalii muhtin
gonagasa, dahje Messias birra gii galggai
boahtit ja beastit álbmoga. Risttalaččat
jáhkket ahte son einnostii Jesusa boah-
tima. Risttalaččat oaivvildedje ahte pro-
fehtaid cealkámušat ledje Ipmila sánit.
Danne álget profehtaid einnostusat dávjá
ná: Nu cealká Hearrá...
Movsses ja logi báhkkoma.