![]()
risttalašvuohta
116
117
Leat risttalaš
Dán oasis oahpat
Mo risttalaččat dovddastit oskku
Mo sii jurddašit Ipmila
Mo sii jurddašit Jesusa
Mii lea Bassi vuoigŋa
Áhččámetrohkosa
Spábbačiekčit ja eará
valáštallit dávjá rohkadallet
ovdal gilvvuid.
Loga ingressa ja
vástit
1.
Maid mearkkaša sátni:
Biibbal?
2.
Biibbalis leat guokte oasi. Mat dat
leat?
3.
Man birra sáhttá lohkat Boares
Testamenttás?
4.
Man birra sáhttá lohkat Ođđa
Testamenttás?
5.
Geat leat čállán Biibbala?
6.
Mo mii sáhttit gávdnat Biibbala
čálabáikkiid?
Daga ja oahpa
eambbo
1.
Sálbma lea lávlla mas lea oskkol-
daga sisdoallu. Oahpaheaddjis lea
teaksta, lávlot sálmma ovttas Mari
Boiniin. Gullabehtet go ahte dat
lea measta dego luohti? Manne, dii
jáhkkibehtet nu lea?
2.
Loga s. 112–113 Bávlosa birra.
Bávlos čálii breavaid iežas searve-
gottiide. Man birra son čálii?
3.
Loga: Mo gávdnat Biibala
čálabáikkiid? s. 115. Geahččal
čuovvut bagadusa ja gávdnat rivttes
čálabáikki.
4.
Gávnna: 1 Kor 13. 4–7. Čále teavstta
čábbát girjásat. Hutkka heivvolaš
bajilčállaga.
5.
Man galle girjji leat oktiibuot,
Boares ja Ođđa testamenttás?
6.
Merke áigelinnjái goas Boares
Testamentá ja Ođđa Testamentá
čállojuvvojedje.
7.
Eai duššefal risttalaččat čuovo logi
báhkkoma s. 109. Dat leat njuolg-
gadusat maid buot olbmot čuvvot.
Lohket dárkilit logi báhkkoma ja
ságastallet joavkkuin maid njuolg-
gadusat mearkkašit.
8.
Loga: Čalmmehis Bartimeus s. 111.
Daga imašmuitalussii gova. Sáhtát
sárgut, málet, dihtoris hábmet,
hábmendáiggis hábmet, dahje eará
vuogi geavahit.
9.
Movsses lei ožžon báhkkomiid
Ipmilis. Daid galge olbmot čuovvut.
Makkár njuolggadusat heivešedje
dál, din mielas? Evttohehket nu
galle njuolggadusa go vejolaš.
Oahpaheaddji čállá buot evtto
husaid távvalii. Jienastehket.
Válljejehket daid 7 njuolggadusa
main leat eanemus čuoggát, ja
dahket pláhkáha ceahkkelatnjii.
Ságastehket maid njuolggadusat
mearkkašit.
