Ovttas - Oskkoldagat ja eallinoaidnu - page 132-133

risttalašvuohta
130 131
Loga ingressa ja
vástit
1. Gean risttalaččat basuhit go leat
allabasit?
2. Manne sii ávvudit juovllaid?
3. Maid sii muittašit beassážiid?
4. Mii dáhpáhuvai Kristusa
albmáimannanbeaivvi?
5. Mii iđii Hellodagaid?
Daga ja oahpa
eambbo
1. Miehtá sámi ávvudit olbmot
juovllaid. Čále ja muital mo din
bearrašis ráhkkanehpet ja ávvu-
dehpet juovllaid.
2. Juovlaevangelium: Luk 2. 1–20.
Lohket ja dahket čájáhusa maid
čájehehpet earáide.
3. Lávlot sálmma: Beassáš lihkku,
morraš sihkku. Oahpaheaddjis lea
kopiija.
4. Beassážat leat iešguđet áiggis
jagis jahkái. Mii mearrida goas
beassážat leat?
5. Váldde dán jagi kaleandara
ja merke goas leat beassážat,
Kristusa albmáimannanbeaivi
ja hellodagat. Loga beivviid ja
dárkkis leat go 40 ja 50 beaiv­
vi maŋŋá beassážiid. Goas lea
Beassášbeaivi? Mii mearrida goas
Beassášbeaivi galgá leat?
Jesus manná albmái
Jesus lei gohččon máhttá­jed­djii­
dis Galilea-várrái. Doppe Jesus
sárdnidii sidjiide: ”Munnje lea
addo­juvvon buot fápmu nu alm-
mis go eatnamis. Mannet ja dah-
ket buot álbmogiid mu máhttá­
jeaddjin: gástta­šehket sin Áhči,
Bártni ja Bassi­vuoiŋŋa nammii
ja oahpa­hehket sin doallat buot
daid báhkkomiid, maid mun
lean addán didjiide. Ja mun lean
dinguin buot beiv­viid gitta
máilmmi loahpa rád­jái.”
Cealkki­dettiin Jesus bajidii gie­
đaidis ja sivdnidii sin. Seam­más
son earránii sis ja váldo­juvvui
bajás albmái. Dasto sii vul-
ge ruovttuluotta Jerusa­lemii.
Doppe sii manne dállui gosa
lávejedje čoahkkanit. Buohkat
ledje čoahkis, ja sii bisso ovtta­
mielalažžan ja rohkadalle
ovttas.
Dihtet go?
Jo jagi 325 m.Kr mearri­
dedje girko­hearrát ahte
Beassáš­beaivi galgá álo
leat vuosttaš sotna­beaivvi
maŋ­ŋá vuost­taš láđas­-
mánu maŋ­ŋá njukčamánu
20. beaivvi. Danne ii leat
beassáš­basuheapmi seam­
má áigge juohke jagi.