Ovttas - Oskkoldagat ja eallinoaidnu - page 130-131

risttalašvuohta
128 129
Beassážat
Risttalaččat muittašit muita­
lusa go Jesus russii­návle­juv­
vui ja eallái fas. Risttalaččat oskot
ahte Ipmil addá olbmuide suttuid
ánda­gassii ja addá sidjiide ođđa ealli-
ma. Girkus leat ipmil­bálvalusat máŋga
beaivvi. Risttalaččat ávvudit ahte Jesus
bođii Jerusalemii Pálbmasotna­beaivvi.
Beaivi lea ožžon namas go olbmot sevve
pálbma­lasttaiguin ja sávve Jesusii bures
boahtima go son joavddai. Ollu girkuin
čiŋahit pálbmalasttaiguin dán beaivvi.
Skilleduorastaga borai Jesus ovttas
máhttájeddjiidisguin. Sii oaffarušše
lábbá ja borre dan. Muitaluvvo biibbalis
ahte Jesus dojii láibbis bihtážiid maid
jugii buohkaide. Dan son gohčodii iežas
rumašin. Dasto son attii buohkaide viin-
na, maid son gohčodii fas iežas varran.
Dán son dagai vai máhttájeaddjit galge
muitit sin maŋimuš oktasaš mállásiid.
Guhkesbearjadaga lea ožžon namas
go lea váivves ja morašlaš beaivi. Dán
beaivvi váldui Jesus gitta, russiinávle-
juvvui ja jámii. Dan rájes lea leamaš
ruossa risttalašvuođa váldosymbola.
Ristta­laččat oskot ahte Jesusa jápmin ja
bajásčuožžileapmi buvttii beastima eat-
namii. Go mánná gásttašuvvo, merkesta
báhppa oaivvi badjel ruossain. Ollugat
russejit iežaset ovdal stuorra dáhpáhu-
said ja geahččalusaid.Beassášbeaivvi
lea fas illubeaivi. Dalle eallái Jesus fas ja
bajásčuožžilii. Dán mii basuhit Norggas
guokte beaivvi, nammalassii 1. ja 2.
Beassášbeaivvi.
Beassážat leat giđđadálvve - ja bistet
máŋga beaivvi. Beassážat leat leamaš
ja leat ain sámiid deháleamos alla­basit.
Dolin lei dábálaš ahte boazosámit čuvvo
ealu ja ásse duoddaris miehtá jagi.
Beassá­žiid áigge bohte márkanbáikái
gávppašit, girkostallat ja deaivat oahp-
pásiid ja verddiid. Lea ain muhtin sámi
báikkiin dábálaš ahte beassážiidáigge
leat stuorra márkanat.
Kristusa albmái­
mannanbeaivi
Ođđa testamenttás čuožžu ahte Jesus
vánddardii máhttá­jeddjiidisguin 40
beaiv­vi eatnama alde maŋŋá go lei bajás­
čuožžilan. Dalle son váldui Ipmila lusa
albmái. Dán ávvudit ristta­laččat 40 beaiv­
vi maŋŋá beassážiid. Kristusa albmái­
mannan­­beaivi lea álo duorastagaid. Dán
beaivvi lea álo ipmilbálvalus ja skuvlla-
ohppiin lea friddjabeaivi.
Hellodagat
Jesusa máhttájeaddjit ožžo Bassi Vuoiŋŋa
50 beaivvi maŋŋá beassážiid. Dán beaivvi
leat hellodagat. Ođđa testamentá mui-
tala ahte máhttá­jeaddjit illudedje sakka
ja ahte sii doaiv­vás­kedje go ožžo Bassi
Vuoiŋŋa Ipmilis. Sii duostagohte muitališ­
goah­tit olbmuide Jesusa birra. Ollugat
dadjet maid ahte hellodat lea girko
riegádanbeaivi.
Jesus eallái ja bajásčuožžilii beassáš­beaivvi.
Ruossa lea dábáleamos risttalaš symbola.
Jesus ja máhttájeaddjit návddašeamen eahket­
mállásiid ovttas.
Jesus russii návlejuvvui guhkesbearjadaga. Ollugat deaivvadit gilvvohallat beassážiid áigge.