84 / 98
83
Eará eamiálbmogiid oskkut
Vuosttažettiin Sibirijá ja guovddáš-asiáhtalaš oskkuin lea noaide-
vuohta guovddážis. Dáin guovlluin ásset ollu ja smávva álbmotjoavk-
kut. Vaikko dáin leat hui iešguđetlágán gielat ja kultuvrrat, de dattetge
lea oktasažžan ahte sii noaidevuođa bokte atnet oktavuođa daidda
vuimmiide mat hálddašit eallima ja olbmuid, máilmmi ollisvuođas ja
buot das mii luonddus gávdno. Maiddái sámi noaidevuohta lei oassin
dán oktasaš árbevierus. Erenoamáš dovdomearka dáin árbevieruin
lei ahte navde golbma kosmalaš dási dahkat máilmmi ollisvuođa: al-
bmi, eanan ja eatnanvuoláš. Noaidi lea dat oskkolaš buotdiehtti mii
sáhttá johtit dáid ilmmiid gaskka. Dat lea vejolaš go ilmmiin lea okta-
vuohta guovddáš máddaga bokte, mas lea geaidnu buot dásiide. Dát
mátta lea dego muorramátta: muora ruohttasat leat eananvuolážis,
muorramátta lea eatnamis ja lasttat ja oavssit faŋuhit almmi guvlui.
Dan dihte adnojuvvojedje muhtun muorat bassin, ja dain sáhtii
goavdáid dahkat. Soames goavdáin lea bassi muorra govviduvvon.
Luonddus sáhttet maiddái gávdnot eará geainnut bajit dahje vuolit
ilmmiide. Rágut ja ráiggit bávttiin dahje stuora geđggiin sáhtte leat
geainnut eatnanvuolážii. Dakkárat leat
bassi
báikkit ja dat leat dábá-
laččat oaffarbáikkit.
Sámit
Selkup
Evenkkat
Evenkkat
Jakuhtat
Muhtun eamiálbmogat, geat ásset
Sibirijás.
Njenecat
Njenecat
Tavgi samojedat