13 / 98
12
galggai beaivvážii addot buvru/suohkat oaffarskeaŋkan. Sihke nis-
sonolbmot ja dievdoolbmot gazze buvrru/suohkada rohkadaladet-
tiin buori ja šattolaš jagi ovddas. Beaivvážii sáhtii maiddái oaffa-
ruššat eastadit iešguđetge buozanvuođaid mat bohtet sevdnjes
jábmiidriikkas.
Muitalusas dás badjeleappos lea Beaivi Almmálaš áhči bárd-
ni ja ráđđeaddi. Dát lea oalle dábálaš eamiálbmogiid oskkolaš ár-
bevieruin. Lea dávjá nu ahte Sivdnideaddji, bajimus fápmu, ii leat
vuosttaš geasa dorvvasta rohkosiiguin ja oaffariiguin. Álggos man-
net dain fámuin bivdit veahki mat leat veaháš lagabus olbmuid
máilmmi, nu ahte sii guđet dovdet bajimus fámu, sáhttet olbmuid
bealis dorvvastit Sivdnideaddjái. Danne lea muhtun goavdáin ear-
ru bajit ja vuolit oasis. Bajit oasis leat bajimus fámut govviduvvon,
ja vuolit oasis fas leat árgabeaivvi fámut: bivdu, guolásteapmi, rie-
gádeapmi jna. Muhtomin sáhttá maiddái bohcco govva leat bajit
oasis. Dat soaitá leat “Almmiboazu”, bassi boazu. Dát boazu lea
buot bohccuid máddu – ja soaitá maiddái leat olles máilmmi “ead-
ni” nu go muitaluvvo sivdnádusmuitalusas dás badjeleappos.
Beaivvi bártnit
Go almmálaš áhčči, Ipmil, lei sivdnidan ođđa máilmmi, de váccašii
son bártniinis Beivviin ja illudii eatnama čábbodaga ja riggodaga dih-
te. Buot maid Ipmil lei sivdnidan jierbmáivuođainis ja Beaivvi buriid
rávvagiid bokte, lei buorre. Ádjagiin golggai bohccomielki ja buot jo-
gain lei guolli valjis. Muoraid siste lei njálgga ađa ja muorragierragiin
heaŋgái vuoššanbiergu. Beaivvi čuvges eatnamis šadde vaikko man
olu gollit ja silbbat. Várit ledje visot silban ja soahkelasttat ledje vuost-
tát. Beaivvášipmila liekkusvuohta leabbanii miehtá riikka ja vuojehii
buollaša ja galbmasa eatnanvuoláš máilbmái. Ná lei vuosttaš buorre
áigi!
Ipmil ja Beaivi váccašeigga ja illudeigga buot dan buori, čuovga-
sa ja lieggasa ovddas. De dajai Beaivi: “Vuoi man čáppat lea, dát
ođđa máilbmi. Earát maid galggaše beassat illudit dan čábbodaga
dihte.” Nu sivdnidii Beaivi iežas bártniid, Áhčeža ja Njáveža. Go son
oinnii dán čáppa nuora guoktá, de illudii son ja dajai: “Golliid ja silb-
baid attán mun dudnuide. Bohccot main leat silba čoarvvit golle oiv-
viid nalde bohtet ruohta dudno lusa ja addet dudnuide njálgga
vuoššanbierggu, ađđamiid ja vuosttáid. Ipmil, almmi hearrá, lea
addán dudno munnje ja doai galgabeahtti leat beaivvi bártnit.” Ja nu
bođiiga beaivvi bártnit, Áhčeš ja Njáveš, dan ođđa buori máilbmái.
Soai leigga lihkolaččat ja bures liikojuvvon, danne go goappašagat