17 / 98
16
šoavkadis Mánnu iđii. Garra suhtuiguin doarggistii unna áldováimmoš
maid Ipmil lei čiehkan eatnamii, nu ahte olles máilbmi doarggistii, ja
bahás Áhčeš guhte ain čuoččui das, čoarvvit gieđas, bálkestuvvui
eatnamis mánnui gos ain láve oidnot go Mánnu lea gallás gazzan
Beaivvi čuovgga ja báitá šerrosit eatnama badjel. Doppe čohkká son
mánus, bahás Áhčeš, čoarvvit gieđas. [3]
Kommentára
: Muitalus Áhčeža ja Njáveža birra lea dan birra
makkár ovddasvástádus ovttaskas olbmos lea oktasašvuođa dá-
fus, ja man mávssolaš lea fuola atnit buot das mii lea buorre
máilmmis. Jus diktá gáddálasvuođa ja bahás jurdagiid vuoitit, de
lea áittan buot dasa mii lea buorre. Vaikko dát vieljaš guovttos eal-
liba paradiijalaš dilis, de diktá Áhčeš iešbuorrevuođa ja anistumi
báidnit iežas. Son šaddá eambbo ahte eambbo berošmeahttumin,
ja galgá visot atnit alcces buorrin. Dat maid son ii ipmir, lea ahte
dákkár guottut dagahit ahte earát jorgalit sutnje sealggi. Son
šaddá aktonasvuhtii ja ferte eallit aktobáikkis iežas bahás eami-
diin. Dákkár olbmot eai viša gullat ge neavvagiid, eai dakkáris ge
gii dušše háliidivččii sutnje buori – nu go viellja dáhtušii. Muitalus
fuomášuhttá midjiide ahte dákkár guottut eai guoskka dušše sidjii-
de geaid birra muitaluvvo, muhto buot olbmuide buot áiggiin, ja
lea min duohken ja min beroštumi duohken fuomášit mot lea rievt-
tes vuohki eallit. Dat guhte ii beroš njuolggadusain, ráŋggáštuvvo
garrasit, muhto almmatge vuoiggalaččat.
Rohttu-máilbmi, mii dá lea sárgo-
juvvon noaiddi goavdái/meavrres-
gárrái, lei dološ oskkus bahás fá-
muid dahje vuoiŋŋaid máilbmi, gos
Rohttu (“Rota”) ráđđii.