10 / 98
9
Mot máilbmi šattai
Mot šattai máilbmi? Gos bohte vuosttaš olbmot? Gii oahpahii olbmuid
eallit rievttes vuogi mielde? Lea go máilbmi ain nu mot galgá leat?
Dákkár áššiid leat olbmot imaštallan buot áiggiin ja buot servodagain.
Vástádusat leat muitalusaid bokte boahtán. Daid bokte gaskkustedje
olbmot iežaset máhtu buolvvas bulvii. Dát máhttu lei oktasaš árbi mii
čilgii sihke dan manne máilbmi lea nu mot dat lea ja mot máilmmis
berre eallit vai ii masse iežas eallinskeaŋkka. Dákkár muitalusat
gohčoduvvojit
myhtan
. Myhtat čilgejit máilmmi šaddama earáládje go
ođđamállet servodaga dieđalaš čilgehusat. Myhtat leat eambbo go
historjá. Dat leat vuosttažettiin muitalusat mat gaskkustit dihto
eallin-
ipmárdusa
. Dat čilgejit eallima mii lei
ovdal
go historjá šattai. Myhtat
gullet dan áigái go buot lei vejolaš – ja dat čilgejit manne eallin lea
šaddan nu mot dál lea, ja mot galgá láhttet daiguin fámuiguin mat
sivdnidedje máilmmi nu mot dat lea dál. Muitalusaid sáhttá govvidit
speajalin maid bokte oaidnit iežamet ja mot mii vásihit máilmmi dás ja
dál. Iežamet vásáhusaid ja govvádusaid bokte dovdat ja ipmirdit mui-
talusaid. Dat lea “duođat” jus mii geavahit daid ealli muitalussan mat
speadjalastet min eallima nu go guhtege mis dan vásiha, eat ge dul-
ko daid historjjálaš čálan mat objektiivvalaččat muitalit mii mahkáš
lea dáhpáhuvvan.
Ipmil sivdnida Beaivvášálbmoga riikka
Ipmil, bajimus ipmil, váccašii muhtun beaivvi stuora jávregáttis. Stuo-
ra báruid soarpi muittuhii goržži šoavvama giđđadulvin. Guđege
čáhppes báru nalde čohkkái vuoigŋa mii romes hámiinis boktalii eat-
nanvuoláš vuoiŋŋaid, ja dat vástidedje juste seammaládje go beatna-
gat lávejit vástidit nuppi beatnagii.
Dalle čuorvugođii Ipmil jávrri guvlui: “Orrot jaska buot vuoiŋŋat
ja eatnanvuoláš vuoiŋŋat, allet ge muosehuhte mu!” Muhto vuoiŋŋat
jotke šeahkuma ja sin jienat sturro eatnanvuoláš ráhkumin. Dalle
suhtai Ipmil ja jurdilii: “Eatnanvuoláš vuoiŋŋaid riedja galmmista jur
sivvui. Mun ferten gohččut Beaivvi, iežan bártni, čuvges beaivváš-
ipmila nuortan.” Ja Ipmil čurvii: “Beaivi, bija duolljebihtáid sabehiidda
vai geahppasit goasttat ja doama deike bisánkeahttá. Ale guldal
vuoiŋŋaid lávluma mátkkoštettiin vai it fillehala eatnanvuoláš máil-
bmái. Doama deike áhčát lusa. Mun dárbbašan neavvagiid almmi
bártniid njunnošis!”
Beaivi bođii. Su sabehat šealgájedje dego silbbat ja čuovgi sa-
betluottat almmis čuvgejedje ija. Beaivvi bártnit gohčodit daid otná
dán beaivvi Beaivvi geaidnun. Olbmot geat eai leat Beaivvi bártniid