5 / 98
4
Álgosátni
Dán fáddágirjjis galget oahppit oahpásnuvvat guovddáš fáttáide, mui-
talusaide ja riidduide iešguđetge sirkumpolára dahje davviguovlluid
eamiálbmotoskkuin ja sámi dološ oskkus. Čuovvovaš áššit ja fáttát
deattuhuvvojit: mii lea riekta ja boastut, buori ja bahá doarrumat (8.
luohkká), govvideamit luonddu vehkiid birra ja luondduipmiliid
iešguđetge doaimmaid birra (9. luohkká), ja buori ja bahá doarrumiid
ja sámi ipmilgovaid birra. Myhtat, máidnasat ja muitalusat leat maid
hui guovddážis. 8. luohká dáfus leat muitalusat čielggadeami
vuođđun, ja áššit čilgejuvvojit dán ektui. 9.-10. luohkáid dáfus lea
muitalusain eambbo dego govvideaddji doaibma čielggadeami ektui.
Oassekapihttalat davviguovlluid eamiálbmogiid oskkuid birra
gieđahallet golmma iešguđetge joavkku oskkolaš árbevieruid dakkár
vugiin ahte fáttát guđege joavkku dáfus čuvvot daid áššiid maid ka-
pihttalat sámi oskku birra gieđahallet. 8. luohká dáfus leat Davvi-
Amerihká (indiánaid) árbevierut fáddán, ja 10. luohká dáfus fas sibiri-
jálaš ja guovddáš-asiáhtalaš álbmogiid birra. Dán struktuvrra ulbmil
lea čohkket fáttáid buoremus lági mielde ja addit čielgaset čilgehusa
daid iešguđetge sirkumpolára oskkolaš árbevieruid hárrái.
Erenoamáš olu giitu Jorunn Jernslettenii ja Marit Myrvollii konstruk-
tiivvalaš lohkama ja olu buriid rávvagiid ovddas mot sáhttá buoridit
čállosa.
Romsa, čakčamánus 2004
Roald E. Kristiansen