Muorjemálli
Borramušat
Muorjemálli
5 dl čáhci
4-5 dl sohkkarat
1 l muorjjit, oaččut válljet muorjesortta, ja áinnas seaguhit moadde sortta iežat dáhtu mielde
2 bb buđetjáffut + 1 dl čáhci
Daga ná:
- Mihtit čázi ja sohkkariid ja bija gásterolii. Bija vuoššanpláhta ala ja divtte duldet. Sohkkarat galget buot suddat.
- Lasit murjjiid sohkarčáhcái ja duolddat sullii 5 minuhta.
- Seagut buđetjáffuid ja čázi gohppui, fiero borranbasttiin.
- Njorre buđetjáffočázi muorjemállái ja fiero gáibbežiin. Duldehastte fierodettiin, ja de lea gárvvis.