Kapihttal 2

Gievkkanreaiddut

Oahppanguoimmit bargaba ovttas. Nubbi vállje A-skovi ja nubbi fas B-skovi.
Doai eahppi galgga oaidnit guđet guoimmi gova ságastaladettiin. Gávnnaheahkki erohusaid govain.
Sagasteahkki ná:

Oahppi A: Nummir okta lea cáhpanfiellu/čuohppanfiellu
Oahppi B: Jo, duohta, nummir okta lea cáhpanfiellu/čuohppanfiellu
Oahppi B: Nummir guokte lea láibefoarbma
Oahppi A: Ii leat láibefoarbma, nummir guokte leat dárjjaldagat

Gávnnat seamma bargobihtá PDF:as: Kap 2 – Gievkkanreaiddut

Rolle-roahttu 

Rolle-roahttu ássá dábálaččat stuorra ruskaduvnnis. Doppe sus leat visot maid dárbbaša ja ollu oappát ja vieljat. Muhtun beaivve jurddašii Rolle-roahttu ahte son dáidá vuolgit máilbmái geahčadit mat doppe leat. Son deaivvai ollu iešguđetláganii. Ovtta stuorra, bolfe bussá mii measta fáhtii su, guokte ciellalus beatnaga, ovtta gusa, golbma bohcco ja gávcci čuotnjága. Bohccot ásse duoddaris, ja čuotnjágat fas jávrris. Bussá ásai vuovddis ja beatnagat orro beatnatgárddis maid olbmot ledje huksen. Gussa fas orui návehis.

Nuppi iđida joavddai dálu lusa maid olbmot ledje huksen. Doppe dat lei easkka somá. Beaivet go buohkat ledje skuvllas, mánáidgárddis ja barggus manai son sisa. Gievkkanis lei erenoamáš somá, go doppe ledje ollu iešguđetlágan ávdnasat, ildut ja lođát. Son bovdii iežas vieljaid ja oappáid maid boahtit stoahkat gievkkanis beaivet.

Oaidnibehtet go man galle roahtu leat boahtán ja gos ii leat? – Mun oainnán ovtta roahtu rásselihti duohken bajimus ildus, gurut bealde/bajimuš gurut ildus.

Čállán: Heidi Guttorm Einarsen 

Skuvlašaddogárdi

Plánejehket ja ásahehket skuvlašaddogárddi. Dii sáhttibehtet gilvit ja šaddadit buđehiid, rušppiid, návrašiid ja ollu eará.

Ságastanbargobihttá

Bargi ovttas oahppanguimmiin. Nubbi vállje A gova ja nubbi vállje B gova. Jearahalli goappat guoimmi govaid birra vurrolaga.

A álgá: Ánne smávve.

B vástida: Ii, Ánne njuovdá.

Dasto lea B vuorru álgit.

Doai eahppi galgga oaidnit guđet guimmiid govaid

OAHPPI A

OAHPPI B

OAHPPI A

OAHPPI B

Jus háliidat PDF:as bargobihtá, de gávnnat dan dás: Kap 2 – Ságastanbargobihtá

JIENAT

Dás gulat jienaid muhtun dábálaš gievkkandoaimmain. Maid gulat?