Vuoncábiergu brokkolisaláhtain ja diehppegállariseniiguin

Reaiddut:

  • Gohkkenniibi
  • Cáhpanfiellu
  • 3 bollu
  • Lihtarmihttu
  • Teadjabaste
  • Gáibbeš
  • Borranbaste
  • Viehkat
  • Faskkonruovdi
  • Vilgeslávkenjuvddán
  • Báistebánno
  • Steikenspoađđu
  • Beavdeniibi báistevudjii 

Borramušat

Brokkolisaláhtta

1 brokkoli 
½ rukseslávki 
1 dl pinjesiskkožat/pinjekjerner 
1 dl rusiinnat 
3 dl gehppes crème fraîche 
1 tb sohkkarat 
¼ tb sálttit 
½ tb božistuvvon sitronsáhppi/-máihli  

Diehppegállarisenat

1 diehppegálla 
1 vilgeslávkefanas 
2 bb beaivvášlieđđeolju 
¼ sitrovdna 
½ tb sálttit 
¼ tb bihpporat 

Vuoncábiergu

400 g vuoncábiergu (čoarbbealli dahje filea) 
Sálttit 
Bihpporat 
Báistevuodja dahje olju 

Daga ná: 

  1. Čuohpat brokkoli smávva diehppin ja bija bollui.  
  2. Cába rukseslávkki asehis vajahassan ja lasit daid brokkoliai.
  3. Lasit pinjesiskkožiid ja rusiinnaid brokkolibollui.
  4. Seagut crème fraîche, sohkkariid, sálttiid ja sitronsáhpi/-máihlli sierra bollui. 
  5. Bija seaguhusa brokkoliseaguhussii ja fiero. Bija saláhta galmmihanskábii dan botta go ráhkadat daid eará biepmuid.
  6. Faskko diehppegála faskkonruvddiin bollui. Božis sitronsáhpi/-máihlli ala.
  7. Smávve vilgeslávkki gohkkenniibbiin, dahje njuvdde vilgeslávkki vilgeslávkenjuvddániin.
  8. Njorres beaivvášlieđđeoljju dahje faskkas beavdeniibbiin vuoja báistebánnui. Bija diehppegála ja vilgeslávkki báistebánnui ja šnjiraldahte daid oalle báhkkasis su. 2 minuhta. Jorgalatta ja fiero steikenspoađuin vai visot báistahuvvá. 
  9. Lasit sálttiid ja bihpporiid, fierrul veaháš ja gurgal seaguhusa bollui.
  10. Sálte ja bihpporastte vuoncábiergofileaid goappašiid beliid. 
  11. Šolgat vuoja báistebánnos ja báistte fileaid muttágis báhkkasis su. 5 min goappáge beale (galgá čađa giksat).

Guossot vuoncábiergofileaid brokkolisaláhtain ja diehppegállariseniiguin.