Kapihttal 6

Biebmomearkkat

Dás oainnat ollu iešguđetlágan biebmomearkkaid.

  • Maid dat muitalit/čájehit?

Bargi áinnas ovttas oahppanguimmiin. 

Dás gavnnat PDF: Kap 6 – Biebmomearkkat

Biebmopáhkat

  • Maid čájehit dát biebmopáhkat?
  • Dutkka, muital ja čále makkár dieđuid oaččut biebmopáhkain? 

Dás gavnnat PDF: Kap 6 – Biebmopáhkat

Jáffut

Gordnemillut millejit gortni jáffun. Mii geavahit iešguđetlágan jáffuid málesteamis ja láibumis. Bargi ovttas oahppanguimmiin. 

  • Gávnnaheahkki ja čilgejeahkki mii lea erohus daid iešguđet jáffuin maid mii geavahit árgabeavvis. 

Dás gavnnat PDF: Kap 6 – Jáffut

Bivgi2 Heidi

Váikkuheaddji

Dás oainnat muhtun blogga ja maid blogger dás čállá ja muitala. Son háliida váikkuhit min čuovvut su blogga. Geahča ja árvvoštala dán blogga kritihkalaččat ja čujuheahkki beliide blogga sisdoalus mat eai leat nu buorit ja osiide mat leat buorit. 

  • Bargi áinnas ovttas oahppanguimmiin.
  • Ságastehket loahpas olles ceahkis sisdoalu birra.   

 

MARIELLEŠ 

Vuovttat, biktasat ja vuoidasat 

Summerfield

Hei, mun lean Marielle ja orun Romssas. Mun lean 13 jagi boaris ja beroštan motabiktasiiguin ja vuoktahámiiguin stylet ja iešguđetlágan vuoidasiiguinDán bloggas mun čálán ja muitalan iežan beroštumiid birra ja cavgilan dutnje gii čuovutmo sáhtát stylet iežat biktasiiguin, vuovttaiguin ja vuoiddasivnniiguin 

20.05.21

Mun lean fuones mielas otne. Dábálaččat mun láven illudit geasselupmui, muhto maŋimus áigge lean borran menddo ollu njálgosiidčipsaid ja gáhkuid. Measta buot olbmot borret menddo ollu sohkarnjálgosiid ja gáhkuid miessemánus. Dat lea áibbas dábálaš. Fuobmájin ikte ahte lean losson 3 kg 🙁  dušše dán mánus. Bikini ii soaitte šat heivet geasset go áiggun sáddui veallát beaivváža ovddas ja vuojadit mearas. Olbmot soitet geahččat munnje, ja cuiggodit mu stuorra čoavjji. Lea oalle unohis dovdat ahte čoavji lea menddo stuoris.  Dál lean lohkan ja googlen, ja gávnnahan ahte ferten dušše juhkamušaiguin eallit guokte vahku, jus dát kilot galget jávkat ovdal geasseluomu ja vai duosttan čájehit iežan bikiniin sáddosMannen EL-gávpái ja osten MÁIHLI máihlemašiinna. Dat lea áibbas buorre, jođán ja álki buhtistit. Mun liikon iežan buoremusat ruškes liikeivnniin, geasset. Dan olis lean geahččalan ođđa iešgoardin-vuoidasa, RUŠKAT. Dat lea áibbas buorre. 😁  👍🏻  Ožžon áibbas lunddolaš, ruškes liikeivnni. Na, dego livččen lieggariikkas fitnan.  Geavat koda: marielleš, de sáhtát oažžut vuoidasa bealle haddái go diŋgot dáppe: vuoidasat.com Doama vai gearggat ruškkodit ovdal go áiggut sáttogáddái 🌞  🕶  👙 👒  😀

Ruonasmáihli

Reaiddut:

  • Máihlemašiidna
  • Cáhpanfiellu
  • Gohkkenniibi
  • Glássa
  • Njammanbohcci
  • Lihtarmihttu

Ruonasmáihli

1 rušpi 
½ eahppel dahje sohkkaris/søhta appelsiinna 
1 sellerinađđa 
1 čorpmadievva brokkoli 
1 čorpmadievva spinat 
½ avocado 

Čázi nu ollu go ieš háliidat. Mađi unnit čáhci, dađi suohkadat máihli.  Sáhtát, jus háliidat,  lasihit vel lunddolaš yoghurtta, jus ii leat glutenallergiija, dahje glutenkeahtes yoghurtta jus lea glutenallergiija.

Daga ná: 

  1. Doidde buot ruotnasiid golgi čázis
  2. Smávve buot ruotnasiid/šaddosiid ja bija buot máihlemašiidnii 
  3. Bija máihlemašiinna jorrat  vai ruotnasat/šattut seaguhuvvojit máihlin  
  4. Lasit veahážii mielde čázi ja/dahje yoghurt dassá go máihli lea nu suohkat go ieš háliidat 
  5. Njorre ruonasmáihlli glássii ja juga  
  6. Bija ruonasmáihlli galbmaskáhpii vai bissu galmmasin