Liepmaláibi

Reaiddut:

  • Bollu
  • Gáibbeš, dahje gievkkanmašiidna oktan fironiin ja bolluin
  • Lihtarmihttu
  • Gásterola
  • Firon
  • Lihttebassansihkaldat
  • Ommanstážžu
  • Čáhceglása
  • Vuoidangušta
  • Dárjjaldagat
  • Steikenrista

Borramušat

Liepmaláibi

7,5 dl nisojáffut
2,5 dl rohkajáffut
½ busse goikejeasta
5 dl biergoliepma
(Sálttit)
½ dl sierát

Nisojáffut dulbemii

Čáhci mainna vuoidá láibbiid ovdal goikadeami

 

Daga ná: 

  1. Leavnne nisojáffuid, rohkajáffuid ja jeastta bollui, ja seagut gáibbežiin.
  2. Lasit sálttiid lipmii jJus lea veahtta liepma., de lasit sálttiid lipmii.
  3. Njorre liema gásterolii ja bija gásterola vuoššanpláhta ala. Loikat liema ja suddat sieráha liemas, fiero fironiin. Liepma ii galgga badjelmeare báhkkanit. Galggat dárjat suorpma buonjostit, ja illá dovdat ahte suorbma lea liemas. Leike loika liema jáffoseaguhussii ja soatkka dáiggi gieđain dahje gievkkanmašiinnain.
  4. Govčča dáigebollu lihttebassansihkaldagain ja divtte geavvat 30 minuhta.
  5. Botkal nisojáffuid beavddi ala. Gomit dáiggi jáffuid ala. Duhppe dáiggi ja dulbe láibin, juogo guhkolaš dahje jorba.
  6. Botkal nisojáffuid ommanstážžui ja bija láibbi dan ala. Geavvat fas 40 minuhta lihttebassansihkaldaga vuolde.
  7. Bonjas steikenommana liegganit 250 grádii.
  8. Ovdalaš go bijat láibbi steikenommanii, de vuoidda láibbi čáziin ja botkal veaháš nisojáffuid ala.
  9. Vuolit steikenommanlieggasa 200 grádii ja bija láibbi ommana gaskaleamos dássái/ceahkkái.
  10. Goikat láibbi 35-40 minuhta.
  11. Váldde láibbi steikenommanis olggos, muitte dárjjaldagaid. Divtte láibbi čoaskut steikenristta alde.