Jávreguollemálli
- 45 min
Reaiddut:
- Gásterola
- Lihtarmihttu
- Borranbaste
- Viehkat
- Gohkkenniibi
- Cáhpanfiellu
- 2 bollu
- Ráigeguksi
- Silli
- Beavdeniibi vudjii
- Firon
- Garahanruovdi
- Gáibbeš
Borramušat
Guolleliepma
l čáhci
½ bb roavvasálttit
500 g jávreguolli (rávdu, dápmot dahje luossa)
Málli
40 g vuodja
3-4 bb nisojáffut
Mielki/lákca (sávaldaga mielde)
Guolleliepma
1 rušpi
2-3 buđeha
50 g boskalávki
Sálttit
Bihpporat
Daga ná:
- Bija galbma čázi ja roavvasálttiid gásterolii ja bajit vuoššanpláhta ala duldet.
- Ráidne guoli ja čuohpa časkáide. Rávddus ja dápmohis ii leat dárbu čuoma njaldit eret. Luoitte guolečaskáid duoldi sáltečáhcái, ja vuolit vuoššanpláhta lieggasa. Guolli ii galgga duoldat, muhto orrut báhkka čázis 6-10 minuhta.
- Rokka vuššon guoli ráigeguvssiin bollui. Sille guoleliema sierra bollui.
- Šolgat vuoja gásterolas. Lasit nisojáffuid vudjii ja fiero fironiin dušše dassážii go šaddá liđbmat. Várut vai ii buole bodnái.
- Lasit jáfovudjii fierodettiin mielkki/lávcca ja guolleliema veahážiid mielde dassážii go dulde. Vuolit lieggasa ja divtte máli duolddadit moadde minuhta vai oainnát man suohkat málli šaddá. Jus dárbu, njárbut eanet milkkiin, guolleliemain dahje čáziin. Jus ribahat njárbadin, bija gohppui čázi ja fiero veaháš nisojáffuid čáhcái. Njorre seaguhusa mállái ja divtte duldet.
- Garat, doidde ja smávve ruotnasiid. Bija ruotnasiid mállái ja divtte duolddadit su. 10 5 minuhta.
- Botkkut dáhtu mielde sálttiid ja bihpporiid.
- Bajit vuššon guliid mállái ja divtte báhkkanit duldenmuddui, ii berre duoldat maŋŋel go guliid leat bidjan mállái amas guolit moallanit.