Luossa aluminfolie siste
- 40 min
Reaiddut:
- Cáhpanfiellu
- Gohkkenniibi
- 2 bollu
- Bábersihkaldat
- Garahanruovdi
- Lihttebassangušta
- Čiekŋalis tallearka
- Aluminfolie
- Borranbaste
- Teadjabaste
- Ommanstážžu
- Dárjjaldagat
- Steikenrista
Borramušat
Luossa aluminfolie siste
2 paprihka
1 páhkka sohkarearttat
1 rušpi
400 g luosacuohppa
4 bb vuodja
2 tb sálttit
1 tb bihpporat
Daga ná:
- Váldde ommanstáčču steikenommanis olggos, ja bija ommana liegganit 200 grádii.
- Doidde ja čuohpat paprihka smávit bihtáide ja bija bihtáid bollui.
- Doidde sohkarearttaid ja bija daid bábersihkaldaga ala.
- Garat, doidde ja čuohpat rušppi smávit bihtáide ja bija daid sierra bollui.
- Jus dus ii leat goabbat cáhpanfiellu ja gohkkenniibi ruotnasiidda ja guollái, de fertet bassat cáhpanfiellu ja gohkkenniibbi lihttebassangušttain sáibočázis.
- Čuohpa luosacuohpa bihtáide ja bija bihtáid čiekŋalis tallerkii.
- Hámut aluminfolies 4 čiekŋalis bollu.
- Goaivvo ruotnasiid aluminbolluid sisa.
- Juoge guollebihtáid ovttamađe juohke aluminbollui.
- Faskkas 1 bb vuoja juohke aluminbollui guoli ala.
- Botkkut ½ tb sálttiid ja ¼ tb bihpporiid juohke aluminbollui.
- Gidde aluminpáhkaid nu ahte folieravddat šaddet bajás guvlui. Sáhtát čárvet ravddaid oktii nu ahte šaddá dego busse. Bija páhkaid ommanstážžui.
- Bija ommanstáčču steikenommanii ja divtte bassot 15 minuhta gaskaleamos dásis.
- Váldde ommanstáčču steikenommanis olggos, muitte dárjjaldagaid, ja bija stáčču steikenristta ala. Divtte čoaskut moadde minuhta ovdal go guossohat borramušaid.