Varrabánnogáhkut

  • 1 dii 10 min
  • sullii 17 gáhku

Reaiddut:

  • Bollu
  • Lihtarmihttu
  • Teadjabaste
  • Borranbaste
  • Firon
  • Silli
  • Beavdeniibi báistevudjii
  • Guksi
  • Báistebánno
  • Steikenspoađđu
  • Steikenrista dahje borramuštallearka 

Borramušat

Varrabánnogáhkut​

5 dl bohccovarra 
5 dl čáhci 
1 tb sálttit 
2 bb sohkkarat 
4 tb gáhkkenbulvarat 
4 dl nisojáffut 
3 dl roavva nisojáffut (fiidnát millejuvvon) 

Báistevuodja 
Sohkkarat gáhkuid gaskii (sáhttá guođđit) 
Vuodja 
Muorjemeastu 

Daga ná: 

  1. Seagut bollui bohccovara, čázi, sálttiid, sohkkariid ja gáhkkenbulvariid, ja fiero fironiin.  

  2. Sevle jáffuid dáigái ja seagut bures.
  3. Divtte dáiggi bohtat 10 minuhta galmmihanskábes.
  4. Liekkat báistebánno vuoššanpláhta alde, ii ábut báhkkaseamos ceahkis. Šolgat vuoja báistebánnos.
  5. Goiste gukseláhki dáiggi báistebánnui ja steike gáhku dassážii go stirdu. Jorgal gáhku steikenspoađuin ja steike nuppi beale oanehaš.
  6. Ovdal go fas goistet dáiggi báistebánnui, fertet šolgadit lasi vuoja.
  7. Lokte gáhkuid steikenristta dahje borramuštallearkka ala dađi mielde go gárvánit. Botkkut sohkkariid gáhkuid gaskii jus háliidat.  

Guossot varrabánnogáhkuid vuojain ja muorjemeasttuin.