180
gohčoduvvon gáržžes prográmmaid. Leat prográmmat
maid olbmot uhccán gehččet ja guldalit, muhto datte leat
dehálaččat doalahit viiddis fálaldaga.
Makkár ođđasiid oažžut?
Dáhpáhuvvá juohke beaivvi ja oppa áigge juoga nu.
Sáhttet leat válggat USA:s, Sámediggeválggat, nealgedilli
Sudanas, soahtedilli Afganistanas dahje biilalihkohisvuohta.
Demokráhtalaš riikkain válljejit mediaid doaimmahusat
makkár ođđasiid galget almmuhit. Uhcit demokráhtalaš
riikkain sáhttet leat stivrejeaddji dahje ráđđedeaddji
eiseválddit geat mearridit.
Dárkkástus
Dárkkástus mearkkaša ahte riikka eiseválddit mearridit
mii galgá čállot áviissain, daddjot radios ja čájehuvvot tv:s
ja gávdnot interneahtas. Media oktavuođas mearkkaša
dárkkástus
dan ahte dárkkistit teavstta dahje filmma, dahje
sihkkut dan mii sáhttá leat midjiide eahpemorálalažžan.
Dárkkástusa sáhttá maiddái geavahit hehttet politihkalaš
unnitlogu beassamis sátnái. Norggas lea dárkkástus ovda
mearkka dihtii filmmaid ahkeloguid hárrái. Maiddái sisdoalu
sáhttá sihkkut jus lea roavva veahkájo ášši ja garra porno
grafiija.
Politihkalaš dárkkástus
Politihkalaš dárkkástusa dovdat dábálaččat eará ráđđen
vuogiin mat leat eará máilmmeoasis go min oarjemáilmmis.
Dat dáhpáhuvvá go ráđđehus čiehká dieđuid ja maid riikka
ássit eai galgga boahtit diehtit. Dát dahkko vai lea fápmu
álbmoga badjel, ja hehttet sátnefriddjavuođa mii sáhttá
vuolggahit stuimmiid.
Čuoldit ođđasiid
2004:s ásahii USA suodjalusministtar Donald Rumsfeld
sierra tv-kanála:
Pentagon Channel
. Dát galggai leat dušše
soalddáhiid várás, muhto gieskat sáhtte vaikko geat USA:s
oaidnit dan birra jándora interneahtas. Journalisttat, geain
lea kritihkalaš oaidnu USA:a suodjalus- ja olgoriikkapoli
tihkkii, eai beasa deikke. Dán láhkai čuldojuvvojit dieđut nu
ahte dušše positiivvalaš ođđasat almmuhuvvojit.
dárkkástus:
sensur
veahkájo:
voldelig
ráđđenvuohki:
regime
