178
Okta vel bargu – dinet ruđa!
Mediain lea maiddái eará ulbmil: Galget dinet ruđa oama
steddjiidasaset. Dehálaš mediain nugo Aftenposten,
Dagbladet, VG ja TV2 leat oamasteaddjit geat gáibidit ahte
doaibma gánnáha ekonomalaččat.
Man láhkai dinejit mediat? Áviissat, nugo VG ja Dag
bladet, dinejit eanemusat go vuvdet eaŋkil áviissa. Eaktun
ahte birgejit, lea ahte olbmot ostet áviissa ovdamearkka
dihtii go leat jođus bargui dahje barggus, leat gávppašea
men gávppis dahje bargomátkkis. Danin ii leat ártet ahte
bajilčállagat leat stuorrát ja geasuheaddjit. Olbmot han
fertejit geasuhuvvot oaidnit mii čuožžu.
Áviissat, nugo Aftenposten, Adresseavisen ja Bergens
Tidende, leat nu gohčoduvvon diŋgonáviissat. Dát bohtet
juohke beaivvi poastagássii. Danin oainnát maiddái ahte
dákkár áviissain lea eará hápmi – bajilčállagat leat áinnas
smávibužžan ja ártihkkalat guhkibužžan.
Makkár áviisa dal juo leažžá, de fertejit buot áviissain leat
almmuhusat jus galget birget ekonomalaččat. Danin lea
riekta dadjat ahte áviissain leat guokte ruhtagáldu: áviissa
vuovdin ja almmuhusat. Dasa lassin ožžot muhtin áviissat,
omd. báikkálaš áviissat, preassadoarjaga. Sámi áviissat Sá-
gat ja Ávvir ožžot preassadoarjaga.
Stáhtabušeahtas lea sierra preassadoarjja-poasta sámi áviis
saide. Jagi 2011 lei dán poasttas 23,01 miljovnna norgga
kruvnnu. Ávvir áviisii juolluduvvui 12,7 miljovnna ja Ságat
áviisii juolluduvvui 9,3 miljovnna. Ávvir ja Ságat eai birge-
še obanassiige dán doarjaga haga.
Rekláma-tv
Muhtin tv-kanálat, nugo ovdamearkka dihtii Viasat ja Ca
nal+, dinejit ruđa seamma láhkai go diŋgonáviissat. Olbmot
sohpet diŋgoma, mákset dan ovddas ja besset oaidnit dan
maid kanála čájeha. Dasa lassin leat almmuhusat sisaboah
tun mas dinejit ollu. Dakkár kanálat leat earret eará TV2 ja
TV Norge. Sis leat reklámat mat botkejit sin tv-sáddagiid
dahje leat tv-sáddagiid gaskkas. Mađe eanet reklámat, dađe
eanet sisaboahtu.
