176
Joavkodieđihangaskoamit min birra
Gávdnojit máŋgga lágan
mediat
. Iešguđet lágan mediaid
seammaláganvuohta lea ahte buohkat kommuniserejit
dahje gulahallet. Dat gaskkustit sága. Muhto sága sisdoallu
molsašuddá. Lea stuorra erohus ovdamearkka dihtii ođas
reportáša ja musihkkavideo gaskkas.
Preassas leat sierra njuolggadusat man láhkai almmuhit
áššiid. Neahttasiiddus
sáhtát gávdnat
«Leage varrugas-páhkát» (Vær varsom-plakat).
Deaddiluvvon mediat, maid fertet lohkat, leat earret eará
beaiveáviissat, vahkkobláđit, mánnosaš áigečállagat, fága
bláđit, politihkalaš propagándagihppagat ja máinnus/
reklámagihppagat. Radiot ja mp-čuojanasat leat mediat
mat hástalit gulu, du guldalannávccaid. TV, video ja filmmat
čuhcet eanet dovdduide danin go dáid mediain lea sihke
teaksta, jietna ja govva.
Nugo dieđát, de addá diehtojuohkinteknologiija vaikko
man ollu vejolašvuođaid dutnje háhkat dieđuid ja gulahallat
earáiguin. Jus dus lea dihtor, de sáhtát geatnit dan modemii
dahje njuolgga fierpmádahkii mas beasat internehttii.
Interneahtta lea máilmmiviidosaš fierpmádat masa dihtorat
miehtá máilmmi leat čadnon. Lea dego hirbmat stuorra
girjerájus dahje arkiiva.
Joavkodieđihangaskoami barggut
•
Dieđu juohkit
– sis lea vuoigatvuohta muitalit mii
dáhpáhuvvá du ruovttubáikis, Norggas ja muđuid
máilmmis.
•
Čilget
– sis lea vuoigatvuohta čilget manin dat
dáhpáhuvvá. Sii almmostahttet dávjá politihkalaš
oainnuid mat fas cahkkehit vuostálastimiid ja
digaštallamiid.
•
Suokkardit
– sis lea vuoigatvuohta suokkardit ja dutkat
dili servodagas nu ahte eaŋkilolmmoš dahje joavkkut eai
gaskkustit:
formidle
sáhka:
dás: nyhet
máinnus, rekláma:
reklame
hástalit, hásttuhit:
utfordre
geatnit:
kople
almmostahttit:
avsløre
moaitinveara:
kritikkverdig
