169
Eará ovdamearka lea go birasgáhttejeaddjit gaikot muhtin
fabrihka uvssaid ja mannet sisa gávdnat lobihis mirkkuid
vurkkodeami. Sin áigumuš lea hehttet ahte eana dahje
juhkančáhci ii mirkkohuvo.
Sápmelaččaid vuostálastimat
1978:s mearridii Stuorradiggi buođđut Álttá–Guovdagean-
čázádaga oažžut eanet el-rávnnji guvlui. Dát buođđun-
áigumuš suhttadii earret eará ollu sápmelaččaid, ja danin
serve geahččalit bissehit buođđuma. Oaivvildedje dát
čuzii sámiid eana- ja čáhcevuoigatvuođaide. Sámelihkadus
organiserejuvvui hehttet čázádaga bilisteami. Ožžo doarjaga
birasgáhttejeddjiin, ja sihke áššedovdit ja beakkán olbmot
serve vuostálastit buođđuma.
Sámelihkadusa joavku
demonstreremin Ráđđe
husviesu olggobealde Oslos.
