161
GUORAHALLAN
1 Dán guorahallama galgabehtet bargat joavkkus.
Oahpaheaddji ráhkada joavkkuid, 3-5 oahppi joavkkus.
Gažaldat livččii nugo omd:
Vuoruha go mu gielda/suohkan skuvlaáššiid eanet go
ránnjá gielda/suohkan dahje eará gielda/suohkan mii
lea olmmošlogu hárrái seamma stuoris. Guorahallet
ovdamearkka dihtii gieldda/suohkanstivrra bušeahta
mearrádusa vuođul. Čilgejehket man vuođul leat
guorahallan ášši.
Leago gielddas/suohkanis fálaldat nuoraide maid gielda/
suohkan ruhtada? Ollu vuoruha ránnjá gielda/suohkan
earáid ektui.
Guorahallet bellodagaid prográmmaid. Válljejehket
uhcimusat golmma bellodaga prográmma. Guorahallet
maid bellodagat lohpidit nuoraid doaimmaide. Maid
lohpidit iešguđet bellodagat?
Joavku galgá plánet ja čađahit iskama joavkku ráhkadan
gažaldagaid vuođul.
Digaštallet njálmmálaččat ja čálalaččat joavkkus dahje ceahkis
bohtosiid maid lehpet gávnnahan.
2 Čállet servodatfágalaš teavstta. Čállet ovtta dáin fáttáin:
Mii lea gielda dahje suohkan?
Makkár doaimmat leat gielddas/suohkanis?
Gieldda/suohkanválggat.
Geavahehket čálidettiin fágadoahpagiid ja gáldočujuhusaid.
Ákkastallet čoahkkáigeasu.
3 Manne lea Norga juhkkon gielddaide/suohkaniidda?
Digaštallet gažaldaga ja hábmejehket ákkaid daid
iešguđetge oainnuide.
