158
Nominašuvdna
Jus galgá beassat searvat nominašuvdnii, de ferte leat
miellahttun muhtin politihkalaš bellodagas. Bellodagat
lágidit nominašuvdnačoahkkimiid iešguđetge gielddain/
suohkaniin (stuorradiggeválggat fylkkaid dásis), ja doppe
mearridit loahpalaš evttohaslisttu. Evttohasat bardojuvvojit
vuoruhuvvon ráiddu mielde. Dát mearkkaša ahte evttoha
sain geat leat listtu bajimusas, lea stuorámus vejolašvuohta
válljejuvvot. Evttohaslistu lea seammá go bellodagaid
jienastanseattal.
Muittát go?
1 Mii lea álggariektelága sisdoallu?
2 Man dávjá lea gieldda/suohkanstivraválga?
3 Maid mearkkaša nomineret?
4 Makkár norgga stáhtaboargáriin lea jienastan-
vuoigatvuohta gieldda/suohkanválgii?
5 Makkár olgoriikkalaš stáhtaboargáriin lea
jienastanvuoigatvuohta?
6 Mii lea evttohaslistu?
7 Maid oaivvildit dajaldagain suffá-jienasteaddji?
evttohas:
kandidat
jienastanseattal:
stemmeseddel
