153
Gielddat/suohkanat leat iešguđet láganat nu ahte ožžot
ruđa iešguđet sturrodagas maid sáhttet geavahit buorrin
gieldda/suohkana ássiide. Muhtin gielddain/suohkaniin leat
dehálaš resurssat nugo čáhci, boazodoallu dahje guolli. Eará
gielddain/suohkaniin lea gis eanadoallu dahje industriija
mii lea dehálamos, ja eará gielddain/suohkaniin fas turisma,
gávpi dahje hálddahus.
Muittát go?
1 Mii lea gielda dahje suohkan?
2 Galle gieldda/suohkana leat Norggas?
3 Gii lea gieldda/suohkna álbmotválljen jođiheaddji?
4 Gii jođiha gieldda- dahje suohkanhálddahusa?
5 Maid bargá gieldda- dahje suohkanhálddahus?
6 Namut uhcimusat vihtta doaimma mat
gielddas/suohkanis leat.
7 Gos oažžu gielda/suohkan sisaboađus?
Gielda/suohkan ja fylka
Norga lea juhkkon 19 fylkii. Fylka lea geográfalaš ja háldda
huslaš ovttadat mas otne lea earret eará ovddasvástádus
doaimmahit joatkkaskuvllaid ja fuolahit fylkkageainnuid.
Fylkkat maiddái doibmet
válgabiiren
stuorradiggeválggaid
oktavuođas. Dat mearkkaša ahte stuorradiggeáirras ovdda
sta su fylkka.
Politihkalaš bellodagat eai leat ovttaoaivilis fylkkadikki
boahtteáiggiin. Muhtimat oaivvildit ahte lea liige ásahus mii
berre heaittihuvvot. Earát fas oaivvildit ahte lea dárbbašlaš
hálddahuslaš ásahus
stáhta ja gielddaid/suohkaniid gaskkas.
