143
Čiekŋudeapmi
1 Geavat leksikona dahje interneahta ja gávnna veháš dieđuid
Cicero, Magna Carta, Rousseau, Adam Smith ja Mary
Wollstonecraft birra.
2 Juohkket ceahki guovtti jovkui, nubbi háliida doalahit
monarkiija ja nubbi fas háliida republihka. Válljejehket sátne
jođiheaddji ja ovtta gii bearráigeahččá sáhkavuorrolistta.
Lágidehket dievasdigaštallama mii galgá loahpahuvvot
mearrádusain.
3 Geavat interneahta ja gávnna goas iešguđet Norgga
politihkalaš bellodagat leat vuođđuduvvon. Sárggo juohke
bellodatsymbola.
4 Vállje ovtta bellodaga dahje listtu mii searvá sámedigge
válgii:
a Makkár golbma ášši lea bellodat/listu vuoruhan dáin
válggain?
á Manin lea bellodat/listu vuoruhan dáid áššiid?
b Makkár ášši lea dehálamos dutnje?
c.
Ráhkat statistihka válgabohtosis.
5 Makkár bellodagas, bellodagain dahje listtuin lea fápmu
Sámedikkis dál? Mii lea presideantta namma, ja makkár
bellodahkii/listui gullá son? Namut eará ráđđelahtuid nama.
6 Mana
siidui, oza áirasiid válgabiirriid mielde
ja gávnna du válgabiirre. Makkár bellodagat/listtut ovddastit
Sámedikkis? Galle áirasa leat iešguhtege bellodagas/listtus?
Galle áirasa leat nissonolbmot?
7 Vállje dihto sámepolitihkkára ja vállje musihka mii heive
buoremusat sutnje. Ákkastala musihkkaválljema ja ovdan
buvtte bohtosa ceahkkái.
8 Man láhkai berre politihkkár leat? Ráhkat ákkastallanlistta.
Buohtastahte listtat muhtin áigeguovdilis politihkkáriin, ja
ákkastala manin doallá dahje manin ii doala ulbmiliid.
9 Mii lea ILO-konvenšuvnna nr. 169 sisdoallu ja ulbmil?
10 Mat leat ON-lihttu ja ON-konvenšuvnnat ?
11 Manin lea Stuorradiggi mearridan sierra finnmárkolága?
